മുളന്തുരുത്തി ∙ വ്യായാമം ചെയ്യുന്നതിനിടെ യുവാവ് ജിമ്മിൽ കുഴഞ്ഞുവീണു മരിച്ചു. മുളന്തുരുത്തി ചാലപ്പുറത്ത് രാജ് (42) ആണ് ബുധൻ രാവിലെ 5.30നു പൈനുങ്കൽപാറയിലെ ജിമ്മിൽ കുഴഞ്ഞുവീണു മരിച്ചത്.
ഈ സമയം ജിമ്മിൽ ആരും ഉണ്ടായിരുന്നില്ല. സാധാരണ രാവിലെ 6 മണിയോടെ ജിമ്മിലെത്താറുള്ള രാജ് 5 മണിയോടെയെത്തി ജിം തുറന്നു വ്യായാമം തുടങ്ങി.
വ്യായാമത്തിനിടെ 5.26നു രാജ് കുഴഞ്ഞു വീഴുന്നത് ജിമ്മിലെ നിരീക്ഷണ ക്യാമറയിൽ പതിഞ്ഞിട്ടുണ്ട്. 20 മിനിറ്റോളം ഇത്തരത്തിൽ കിടന്ന രാജിനെ 5.45നു ജിമ്മിൽ എത്തിയവരാണ് കാണുന്നത്.
ഉടൻ ആരക്കുന്നം എപി വർക്കി മിഷൻ ആശുപത്രിയിലെത്തിച്ചെങ്കിലും മരിച്ചു. സംസ്കാരം വെള്ളിയാഴ്ച.
ചാലപ്പുറം ഏബ്രഹാമിന്റെയും (തമ്പി) ഗ്രേസിയുടെയും മകനാണ്. ഭാര്യ: ലിജി (വിദേശത്ത് നഴ്സ്).
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
