ജെസിഐ കൊച്ചിയുടെ ഇഫ്താർ ജനറൽ ബോഡി മീറ്റിങിൽ നിശബ്ദ നായകന്മാരെ ആദരിച്ചു

കൊച്ചി∙ ജൂനിയർ ചേമ്പർ ഇന്റർനാഷണൽ (ജെസിഐ) കൊച്ചിയുടെ ഇഫ്താർ ജനറൽ ബോഡി മീറ്റിങിൽ കൊച്ചിയിലെ നിശബ്ദ നായകന്മാരെ ആദരിച്ചു. ജെസിഐ കൊച്ചിൻ പനമ്പള്ളി നഗറിലെ സ്റ്റഡി ലിങ്ക് ഓഫീസിൽ നടന്ന ഇഫ്താർ ജനറൽ ബോഡി മീറ്റിങിൽ സമൂഹത്തിലെ വിവിധ നേതാക്കളും അംഗങ്ങളും വിശിഷ്ടാതിഥികളും പങ്കെടുത്തു. മുൻ  പ്രസിഡന്റ്  ഡോ. ഷബീർ ഇക്ബാൽ സ്വാഗതവും ജെസിഐ കൊച്ചി പ്രസിഡന്റ് ഷോൺ ജോർജ് ജോസഫ് അധ്യക്ഷതയും സെക്രട്ടറി ഡോ. എ. പി. ധന്യ നിശബ്ദനായകരും മാതൃകാ വ്യക്തികളുമായ രണ്ടു പേരെ പരിചയപ്പെടുത്തി. മാധ്യമ മേഖല, സിനിമ, സാമൂഹിക സേവനം എന്നിവയിൽ മികച്ച സംഭാവനകൾ നൽകിയ സി.ഡി ഷിജുവിനെ  പ്രശസ്ത ചലച്ചിത്ര സംവിധായകനും തിരക്കഥാകൃത്തുമായ റോബിൻ തിരുമല, ചലച്ചിത്ര സംവിധായകൻ എം മോഹനൻ എന്നിവർ ചേർന്ന് മെമെന്റോ നൽകി ആദരിച്ചു.

നിയമപാലന രംഗത്തും വനിതാ ശാക്തീകരണ രംഗത്തും മികച്ച പ്രവർത്തനങ്ങൾ നടത്തിയ സീനിയർ സിവിൽ പോലീസ് ഓഫീസർ സഹീറ ഉമ്മറെ എഴുത്തുകാരനും മാനവികവാദിയുമായ ഡോ. കമൽ എച്ച്. മുഹമ്മദ് മെമെന്റോ നൽകി ആദരിച്ചു. മുതിർന്ന പത്രപ്രവർത്തകനും ദേശാഭിമാനിയുടെ മുൻ സ്പോർട്സ് എഡിറ്ററുമായ എ.എൻ. രവീന്ദ്രദാസ്, ചലച്ചിത്ര നിർമാതാവും നടനുമായ ടിനു തോമസ്, പനങ്ങാട് തണൽ ഫൗണ്ടേഷൻ ഭാരവാഹി വി.ഒ. ജോണി, തമ്മനം സർവീസ് സഹകരണ ബാങ്ക് സീനിയർ മാനേജർ കെ.വി. ഷീജ,  ജെ സി ഐ ട്രഷറർ  കെ പി സലീൽ,  ലെനിഷ് മുഹമ്മദ്,  കെ. എം താഹിർ എന്നിവർ പങ്കെടുത്തു. സ്റ്റഡി ലിങ്ക് മാനേജിങ് ഡയറക്ടർ മുഹമ്മദ് റാഫി എന്നിവർ സംസാരിച്ചു. മയക്കുമരുന്ന് ഉപയോഗത്തിനെതിരെ ശക്തമായ സന്ദേശവുമായ് ജെ.സി.ഐ കൊച്ചിൻ 2025 മെയ് 1ന് നടത്താൻ നിശ്ചയിച്ചിട്ടുള്ള ഓൾ കേരള ചെസ്സ് മത്സരവും പ്രഖ്യാപിച്ചു. ജെ.സി.ഐ കൊച്ചിനിലെ കുട്ടികളുടെ സഹകരണത്തോടെ നടത്തുന്ന പരിപാടിക്ക് ഡോ:  എ പി ധന്യ നേതൃത്വം നൽകും.