അംഗപരിമിതർക്ക് സഹായവുമായി മമ്മൂട്ടി: വീൽ ചെയർ വിതരണത്തിന് തുടക്കം

അംഗപരിമിതർക്ക് സഹായവുമായി മമ്മൂട്ടി: വീൽ ചെയർ വിതരണത്തിന് തുടക്കം കൊച്ചി ∙ എറണാകുളം ജില്ലയിലെ ആതുരസ്ഥാപനങ്ങളിലേക്ക് വീൽചെയറുകൾ എത്തിച്ച് നടൻ മമ്മൂട്ടി. കെയർ ആൻഡ് ഷെയർ ഇന്റർനാഷണൽ ഫൗണ്ടേഷന്റെ പദ്ധതിയുടെ ഭാഗമായി, എറണാകുളം ജില്ലാതല വീൽചെയർ വിതരണത്തിന്റെ ഉദ്ഘാടനം ഫോർട്ട്‌ കൊച്ചിയിൽ നടന്നു.

ഫോർട്ട് കൊച്ചി വെളിയിലെ സെന്റ് ജോസഫ് വെഫ്സ് ഹോമിൽ വച്ചാണ് പദ്ധതിയുടെ ഉദ്ഘാടനം നടന്നത്..  മമ്മൂട്ടിയുടെ കെയർ ആൻഡ് ഷെയർ ഇന്റർനാഷണൽ ഫൗണ്ടേഷന്റെ പദ്ധതിയുടെ ഭാഗമായി എറണാകുളം ജില്ലയിൽ നടന്ന വീൽചെയർ വിതരണത്തിൽ നിന്ന്.
എറണാകുളം പൊലീസ് അസിസ്റ്റന്റ് കമ്മീഷണർ പി. രാജകുമാർ ഉദ്ഘാടനം ചെയ്തു.

നടൻ മമ്മൂട്ടിയുടെ നേതൃത്വത്തിൽ നടന്നുവരുന്ന ജീവകാരുണ്യ പ്രവർത്തനങ്ങൾ ശ്ലാഘനീയമാണെന്ന് അദേഹം പറഞ്ഞു. സമൂഹത്തിൽ അവശത അനുഭവിക്കുന്നവരെ ചേർത്തുനിർത്തുന്ന അദ്ദേഹത്തിന്റെ മനസ്സ് എല്ലാവർക്കും മാതൃകയാണ്.

അദ്ദേഹം വഴി ജീവിതപാതയിലേക്ക് തിരിച്ചുവന്ന നിരവധി പേരെ തനിക്ക് നേരിട്ട് അറിയാം. തുടർന്നും മമ്മൂട്ടിയുടെ ഇത്തരത്തിലുള്ള പദ്ധതികളിൽ പങ്കാളിയാകുന്നത് അഭിമാനകരമാണെന്നും അദേഹം കൂട്ടിച്ചേർത്തു.

മമ്മൂട്ടിയുടെ കെയർ ആൻഡ് ഷെയർ ഇന്റർനാഷണൽ ഫൗണ്ടേഷന്റെ പദ്ധതിയുടെ ഭാഗമായി എറണാകുളം ജില്ലയിൽ നടന്ന വീൽചെയർ വിതരണത്തിൽ നിന്ന്.
കെയർ ആൻഡ് ഷെയർ മാനേജിങ് ഡയറക്ടർ ഫാ. തോമസ് കുര്യൻ മരോട്ടിപ്പുഴ ചടങ്ങിന്റെ അധ്യക്ഷത വഹിച്ചു.

കേരളാ ഓർഫനേജ് ആൻഡ് ചാരിറ്റബിൾ ഇൻസ്റ്റിറ്റ്യൂഷൻസ് അസോസിയേഷൻ എറണാകുളം ജില്ലാ സെക്രട്ടറി പി കെ അബ്ദുൽ റഹിം, രാജഗിരി ആശുപത്രി ഡെപ്യൂട്ടി ജനറൽ മാനേജർ ജോസ് പോൾ, ഡോ അമൃത ടി. എസ്., വെൽഫയർ അസോസിയേഷൻ ട്രസ്റ്റ്‌ ആലുവ അഡ്മിനിസ്റ്ററേറ്റർ ഷമീല ജമൽ, സെന്റ് ജോസഫ് വെഫ്‌സ് ഹോം മാനേജർ സിസ്റ്റർ അഗസ്റ്റ സീസർ എന്നിവർ സംസാരിച്ചു.

…