കെ.ജി. ജോർജിന്റെ ദേശീയ പുരസ്കാര സർട്ടിഫിക്കറ്റ് നഷ്ടപ്പെട്ടതു വീണ്ടെടുത്ത് മകൾക്കു കൈമാറി

കാക്കനാട്∙ സംവിധായകൻ കെ.ജി. ജോർജിന്റെ നഷ്ടപ്പെട്ടെന്നു കരുതിയ ദേശീയ പുരസ്കാര സർട്ടിഫിക്കറ്റ് അദ്ദേഹത്തിന്റെ ഓർമ ദിനത്തിൽ മകൾക്കു സമ്മാനിച്ചു. 1975ൽ സ്വപ്നാടനം എന്ന ചലച്ചിത്രത്തിനു ലഭിച്ച ദേശീയ പുരസ്കാരത്തോടൊപ്പമുണ്ടായിരുന്ന സർട്ടിഫിക്കറ്റ് ഇടക്കാലത്തു മാക്ട

ഓഫിസിൽ ഏൽപ്പിച്ചിരുന്നു. ഇതാണു പിന്നീടു കാണാതായത്. മാക്ട

ഭാരവാഹികൾ കണ്ടെടുത്ത സർട്ടിഫിക്കറ്റാണു മകൾ താര കെ. ജോർജിന് ഇന്നലെ കൈമാറിയത്. കെ.ജി.

ജോർജിന്റെ രണ്ടാം ചരമവാർഷിക ദിനമായിരുന്നു ഇന്നലെ. രാജഗിരി കോളജ് ഓഫ് മാനേജ്മെന്റ് അപ്ലൈഡ് സയൻസസിലെ അനിമേഷൻ ആൻഡ് ഗ്രാഫിക് ഡിസൈനിങ് വിഭാഗം നടത്തിയ ചലച്ചിത്രോത്സവ വേദിയിൽ ഗാന രചയിതാവ് ഷിബു ചക്രവർത്തിയിൽനിന്നു സർട്ടിഫിക്കറ്റ് താര ഏറ്റുവാങ്ങി.

… FacebookTwitterWhatsAppTelegram