പൊലീസ് സേനയുടെ കരുത്തായിരുന്ന മില്ലയ്ക്ക് വിട

ഹിൽപാലസ്∙ 8 വർഷം പൊലീസ് സേനയുടെ ഭാഗമായിരുന്ന മില്ലയ്ക്കു വിട. 2022 ഡിസംബറിലാണ് മില്ല ഔദ്യോഗിക സേവനത്തിൽ നിന്ന് വിരമിച്ചത്.

തുടർന്ന് തൃശൂർ പൊലീസ് അക്കാദമിയിൽ വിശ്രമ ജീവിതം നയിച്ചു വരികയായിരുന്നു. രോഗം മൂർഛിച്ചതിനെത്തുടർന്ന് പ്രത്യേക അപേക്ഷ നൽകി ഹാൻഡ്‌ലറായ മോഹനൻ മണീടിലെ വീട്ടിൽ പരിചരിച്ച് വരികയായിരുന്നു. 11 വയസ്സും 8 മാസവുമായിരുന്നു പ്രായം.
മോഷണക്കേസുകളിലും കൊലപാതകങ്ങളിലും പൊലീസിനു തുമ്പുണ്ടാക്കി നൽകുന്നതിൽ മിടുക്കിയായിരുന്നു.കൂടാതെ വിവിഐപി ഡ്യൂട്ടികളിലെ പതിവ് സാന്നിധ്യമായിരുന്നു.

ലാബ്രഡോർ ഇനത്തിൽപെട്ട മില്ലയുടെ സഹോദരി ബെല്ലയും പൊലീസ് സേനയിലെ അംഗമായിരുന്നു.

2015 മുതലാണ് കൊച്ചി സിറ്റി പൊലീസിന്റെ ഭാഗമായി ബെല്ലയും മില്ലയും രംഗത്തിറങ്ങുന്നത്. ഹിൽപാലസ് ഡോഗ് സ്ക്വാഡിലായിരുന്നു ഏറെ നാൾ.

…