പിറവം∙മണീട് പ‍ഴയ പഞ്ചായത്തു പടിയിൽ തിരുവാണിയൂർ ശാസ്താംമുകൾ റോഡിലേക്കു ചാഞ്ഞ് അപകടാവസ്ഥയിൽ നിൽക്കുന്ന മരം അപകടഭീഷണി ഉയർത്തുന്നു. തായ്തടിക്കും ശിഖരങ്ങൾക്കും ബലം കുറഞ്ഞ കരിംതകര ഇനത്തിൽ പെട്ട മരമാണിത്.
ശക്തമായി കാറ്റടിച്ചാൽ ശിഖരങ്ങൾ അടർന്നു വീഴും. കഴിഞ്ഞ ദിവസം സ്കൂട്ടർ യാത്രക്കാരൻ തലനാരിഴയ്ക്കാണു അപകടത്തിൽ നിന്നു രക്ഷപ്പെട്ടത്.
മണീടിൽ നിന്നു കൊച്ചിയിലേക്കുള്ള പ്രധാന വഴി എന്ന നിലയിൽ ഓരോ മിനിറ്റിലും ഒട്ടേറെ വാഹനങ്ങളാണ് ഇതുവഴി കടന്നു പോകുന്നത്. അപകടാവസ്ഥ ചൂണ്ടിക്കാട്ടി പൊതുമരാമത്തു വകുപ്പിനു പരാതി നൽകിയെങ്കിലും അനുകൂല നടപടി ഉണ്ടായിട്ടില്ല. മരത്തിനു നിശ്ചയിച്ച വില സംബന്ധിച്ചാണു തർക്കം.
മണീട് പഞ്ചായത്ത് പരിധിയിൽ അപകടാവസ്ഥയിൽ റോഡരികിലും പൊതുസ്ഥലത്തും നിന്നിരുന്ന മരങ്ങൾ അടുത്തയിടെ മുറിച്ചു നീക്കിയിരുന്നു. പഞ്ചായത്തു പടിയിലെ മരം നീക്കുന്നതിനും നടപടി ഉണ്ടാകണമെന്നാണ് ആവശ്യം. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
