അരൂർ ∙ ഉയരപ്പാത നിർമാണ മേഖല ഒറ്റ മഴയിൽ വെള്ളക്കെട്ടിലായി. മഴ കനത്തതോടെ സർവീസ് റോഡ് ഇരുഭാഗത്തും വെള്ളം നിറഞ്ഞു.
വാഹനങ്ങൾ വെള്ളത്തിലൂടെ നിരങ്ങി നീങ്ങിയതോടെ ഗതാഗതപ്രശ്നങ്ങളും രൂക്ഷമായി. വൈകിട്ട് നാലോടെയാണ് മഴ കനത്തത്.
ഒപ്പം അതിശക്തമായ ഇടിമുഴക്കവും. അരൂർ ഭാഗത്തെ മേൽപാലത്തിന്റെ നിർമാണം കഴിഞ്ഞ ദിവസങ്ങളിൽ രാത്രികാലങ്ങളിലും നടത്തിയിരുന്നു. എന്നാൽ ശക്തമായ ഇടിയും മിന്നലും മൂലം നിർമാണപ്രവർത്തനങ്ങളും നിർത്തി വയ്ക്കേണ്ടി വന്നു.
മഴ തുടർന്നാൽ അരൂർ മുതൽ തുറവൂർ വരെയുള്ള ഉയരപ്പാത നിർമാണ മേഖല വലിയ പ്രതിസന്ധിയിലും ജനങ്ങൾ ദുരിതത്തിലുമാകും.
റോഡിൽ വെള്ളം കെട്ടിക്കിടക്കുന്നതു മൂലം ഇരുചക്രവാഹനങ്ങളും ഓട്ടോറിക്ഷകളും അപകടപ്പെടുന്നതും പതിവായി. കാന നിർമാണം പാതിവഴിയിലായതിനാൽ കുഴിയെടുത്ത ഇടങ്ങളിലും നിർമാണം പൂർത്തിയാക്കിയ കാനയിലും പെയ്ത്തുവെള്ളം നിറഞ്ഞു കിടക്കുകയാണ്.ഇതെല്ലാം രാത്രികാല യാത്രികരിലും ദുരന്തഭീതി ഉയർത്തുന്നു … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
