പറവൂർ ∙ വൈദ്യുതി ലൈനിൽ അറ്റകുറ്റപ്പണികൾ നടത്തുന്നതിനിടെ ഷോക്കേറ്റ് അതിഥിത്തൊഴിലാളി മരിച്ചു. കെഎസ്ഇബിയുടെ കരാറുകാരന്റെ കീഴിൽ ജോലി ചെയ്തിരുന്ന ബംഗാൾ സ്വദേശി റിപൻ ഷെയ്ഖാണ് (28) മരിച്ചത്.
ഇന്നലെ വൈകിട്ട് 3 മണിയോടെയാണ് സംഭവം. പല്ലംതുരുത്ത് റോഡിലെ പോസ്റ്റിലേക്കുള്ള ലൈൻ മാറ്റി സ്ഥാപിച്ച ശേഷം ഇറങ്ങിയതാണ് റിപൻ. എന്നാൽ, ചില ഉപയോക്താക്കൾക്ക് വൈദ്യുതി ലഭിക്കുന്നില്ലെന്നറിഞ്ഞു നോക്കാനായി വീണ്ടും കയറിയപ്പോഴാണ് ഷോക്കേറ്റത്.
ഷോക്കേറ്റ് പോസ്റ്റിലും വൈദ്യുതി കമ്പിയിലും തടഞ്ഞിരുന്ന റിപനെ വടം ഉപയോഗിച്ചു താഴെയിറക്കി സ്വകാര്യ ആശുപത്രിയിൽ എത്തിച്ചപ്പോഴേക്കും മരിച്ചു.റിപൻ രണ്ടാമത് പോസ്റ്റിൽ കയറിയ സമയത്തും വൈദ്യുതി വിഛേദിച്ചിരിക്കുകയായിരുന്നു എന്നാണ് കെഎസ്ഇബി അധികൃതർ പറയുന്നത്. ഷോക്കേറ്റതിന്റെ കാരണമറിയാൻ ഉദ്യോഗസ്ഥരുടെ നേതൃത്വത്തിൽ പരിശോധന നടത്തിയെങ്കിലും നിഗമനത്തിലെത്താനായില്ല.
ഇന്നും പരിശോധന തുടരും. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
