മൂവാറ്റുപുഴ∙ ഇൻസ്റ്റഗ്രാമിലൂടെ പരിചയപ്പെട്ട കാമുകിയുമായി കറങ്ങി നടക്കാൻ കാർ മോഷ്ടിച്ച യുവാവിനെ തിരുവനന്തപുരത്തു നിന്നു പൊലീസ് അറസ്റ്റ് ചെയ്തു.
പായിപ്ര പേണ്ടാണത്ത് അൽ സാബിത്ത് (19) ആണു പിടിയിലായത്. രണ്ടു കുട്ടികളുടെ അമ്മയായ തിരുവനന്തപുരം പൂന്തൂറ സ്വദേശിനിയുമായി കറങ്ങി നടക്കാനാണു കാർ മോഷ്ടിച്ചത്.
കാറിനു രൂപമാറ്റം വരുത്തിയും വ്യാജ നമ്പർ പ്ലേറ്റ് ഘടിപ്പിച്ചുമായിരുന്നു കറക്കം.
കഴിഞ്ഞ 4നു പുലർച്ചെയാണ് വാഴപ്പിള്ളി കുരുട്ടുക്കാവ് ഭാഗത്തുള്ള വീടിന്റെ പോർച്ചിൽ കിടന്ന കാർ മോഷ്ടിച്ചത്. ഒരു വർഷം മുൻപാണ് ഇൻസ്റ്റഗ്രാം റീൽസുകളിലൂടെയും മറ്റും പൂന്തുറ സ്വദേശിനിയുമായി അൽ സാബിത്ത് പരിചയപ്പെടുന്നത്.
ഇതിനു പിന്നാലെ ഇവരെ പൂന്തുറയിൽ നിന്ന് മൂവാറ്റുപുഴയിലേക്കു കൊണ്ടുവന്നു.
പൂന്തുറ പൊലീസ് റജിസ്റ്റർ ചെയ്ത കേസിൽ മൂവാറ്റുപുഴ പൊലീസാണ് അന്നു യുവതിയെ കണ്ടെത്തി പൂന്തുറ പൊലീസിനു കൈമാറിയത്. അന്വേഷണ സംഘത്തിൽ എസ്ഐമാരായ വിഷ്ണു രാജു, കെ.കെ.
രാജേഷ്, പി.ബി. സത്യൻ, പി.സി.
ജയകുമാർ, സീനിയർ സിവിൽ പൊലീസ് ഓഫിസർമാരായ ബിബിൽ മോഹൻ, എച്ച്. ഹാരിസ്, സിവിൽ പൊലീസ് ഓഫിസറായ ശ്രീജു ചന്ദ്രൻ എന്നിവർ ഉണ്ടായിരുന്നു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
