നെടുമ്പാശേരി ∙ വിമാനത്തിലെ ശുചിമുറിയിൽ ഒളിപ്പിച്ച് കടത്താൻ ശ്രമിച്ച സ്വർണം വിമാനത്താവളത്തിൽ ഡിആർഐ, കസ്റ്റംസ് എന്നിവർ ചേർന്ന് പിടികൂടി. റാസൽഖൈമയിൽ നിന്നെത്തിയ ഇൻഡിഗോ വിമാനത്തിൽ നിന്നാണ് രഹസ്യ വിവരം ലഭിച്ച് എത്തിയ ഡിആർഐ സംഘം സ്വർണം കണ്ടെടുത്തത്.
ശുചിമുറിയിലെ പ്രഷർ പമ്പിനുള്ളിൽ രഹസ്യമായി ഒളിപ്പിച്ച നിലയിലായിരുന്നു പേസ്റ്റ് രൂപത്തിലുള്ള സ്വർണം. 650 ഗ്രാം തൂക്കമുണ്ടായിരുന്നു.
വിദേശത്തു നിന്ന് കയറുന്ന യാത്രക്കാരൻ ശുചിമുറിയിൽ ഒളിപ്പിക്കുന്ന സ്വർണം കൊച്ചിയിൽ ഏതെങ്കിലും ജീവനക്കാരെ ഉപയോഗിച്ചോ അല്ലെങ്കിൽ വിമാനം തുടർന്ന് ആഭ്യന്തര സർവീസ് നടത്തുമ്പോൾ യാത്രക്കാരനായി എത്തുന്ന ആളോ പുറത്തു കടത്താൻ ആയിരിക്കാം ശ്രമിച്ചതെന്നാണ് അനുമാനം.
വിമാനത്തിൽ സ്വർണം ഒളിപ്പിച്ച ആളെ കണ്ടെത്താൻ അന്വേഷണം ആരംഭിച്ചിട്ടുണ്ട്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
