വികസന പദ്ധതികൾ വൈകുന്നുവെന്ന് ആക്ഷേപം; എൻജിനീയറെ ഉപരോധിച്ചു

അങ്കമാലി∙ കറുകുറ്റി പഞ്ചായത്തിലെ 9,13 വാർഡുകളിൽ റോജി എം.ജോൺ എംഎൽഎ അനുവദിച്ച 70 ലക്ഷത്തോളം രൂപ ചെലവഴിച്ചുള്ള അറ്റകുറ്റപ്പണികൾ വൈകുന്നതിൽ പ്രതിഷേധിച്ച് പഞ്ചായത്ത് സ്ഥിരസമിതി അധ്യക്ഷൻ കെ.പി.അയ്യപ്പന്റെ നേതൃത്വത്തിൽ അങ്കമാലി ബ്ലോക്ക് പഞ്ചായത്ത് അസിസ്റ്റന്റ് എക്സിക്യൂട്ടീവ് എൻജിനീയറെ ഉപരോധിച്ചു. 10 ലക്ഷം രൂപ അനുവദിച്ച അട്ടാറ മരിയ മരിയ നഗർ റോഡിന്റെ ജോലികൾ തുടരാനായിട്ടില്ല.

ഫണ്ട് നഷ്ടപ്പെടുന്ന സ്ഥിതിയാണുള്ളത്. 
ബ്ലോക്ക് പഞ്ചായത്ത് സ്ഥിരസമിതി അധ്യക്ഷ റാണി പോളി, പഞ്ചായത്തംഗം മിനി ഡേവിസ്, കോൺഗ്രസ് അങ്കമാലി ബ്ലോക്ക് വൈസ് പ്രസിഡന്റ് കെ.പി.ബാബു, യൂത്ത് കോൺഗ്രസ് മണ്ഡലം പ്രസിഡന്റ് ആന്റണി പാലാട്ടി, വാർഡ് പ്രസിഡന്റ് എൻ.വി.പോളി, ബെന്നി പാലയിൽ, അലൻ ജോസ്, ജോ പോൾ ജോസ് എന്നിവർ സമരത്തിനു നേതൃത്വം നൽകി … FacebookTwitterWhatsAppTelegram