റോഡ് ഇടിയുന്നു കാനയിലേക്ക് , നടപടിയില്ല; തകർച്ച തുടങ്ങിയിട്ട് ഒരു വർഷം

തൃപ്പൂണിത്തുറ ∙ റോഡ് ഇടിഞ്ഞു കാനയിലേക്കു വീഴുന്നു, നടപടി ഇല്ലാതെ അധികൃതർ. വടക്കേക്കോട്ട

ആദംപിള്ളിക്കാവ് ക്ഷേത്രത്തിന് പടിഞ്ഞാറു ഭാഗത്തുള്ള റോഡാണ് ഇടിഞ്ഞു കാനയിലേക്കു വീഴുന്നത്. ഒരു വർഷമായി റോ‍‍ഡ് ഇങ്ങനെ തകർന്നു കിടക്കാൻ തുടങ്ങിയിട്ട് എന്നു സമീപവാസികൾ പറയുന്നു. റോഡിന്റെ ചെറിയൊരു ഭാഗം തന്നെ ഇപ്പോൾ ഇടിഞ്ഞു കിടക്കുകയാണ്.

ഇതു മൂലം ഇതിലൂടെ വരുന്ന യാത്രക്കാരാണ് ഏറെ കഷ്ടപ്പെടുന്നത്. ആയിരക്കണക്കിനു ആളുകളാണ് ഈ റോഡ് ഉപയോഗിക്കുന്നത്.

എരൂരിലക്കും മറ്റു പോകുന്നവരും ഈ റോഡ് ഉപയോഗിക്കുന്നുണ്ട്. ഒട്ടേറെ സ്കൂൾ വാഹനങ്ങളും ഇതിലെ പോകുന്നുണ്ട്.
റോഡിന്റെ തകർന്നു കിടക്കുന്ന ഭാഗത്തുകൂടി പോയാൽ എതിരെ വരുന്ന വാഹനത്തിനു വശം കൊടുക്കാൻ പോലും കഴിയുന്നില്ലെന്നാണ് യാത്രക്കാരുടെ പരാതി. വശം കൊടുത്താൽ നേരെ കാനയിലേക്കു വീഴും.

ചെറിയ റോഡ് ആയതിനാൽ വാഹനങ്ങൾ എതിർവശത്തെ അരിക് ചേർന്നാണ് പോകുന്നത്. ഇതു കാൽനട യാത്രികർക്കും വലിയ ബുദ്ധിമുട്ട് സൃഷ്ടിക്കുന്നുണ്ട്.

എപ്പോൾ വേണമെങ്കിലും അപകടം സംഭവിക്കാം എന്ന സ്ഥിതിയാണ് ഇപ്പോൾ. പലതവണ പരാതി പറഞ്ഞെങ്കിലും അധികൃതർ ഇതുവരെ നടപടി എടുത്തിട്ടില്ല എന്നാണ് നാട്ടുകാരുടെ ആക്ഷേപം. …