കൊച്ചി∙ ലഹരി വിമുക്തിയെന്ന ലക്ഷ്യവുമായി അതിഥിത്തൊഴിലാളികൾക്ക് സിനിമാപ്രദർശനമൊരുക്കി റൂറൽ ജില്ലാ പോലീസ്. പെരുമ്പാവൂർ ഇ.വി.എം തീയ്യറ്ററിലാണ് പാവോ എന്ന ബംഗാളി ചിത്രം പ്രദർശിപ്പിച്ച് ലഹരിവിരുദ്ധ ബോധവൽക്കരണത്തിന് വേറിട്ട
മാർഗം സ്വീകരിച്ചത്. മയക്കുമരുന്നിനെതിരെ ജനങ്ങളെ ബോധവൽക്കരിക്കുന്ന ചിത്രമാണ് പ്രദർശിപ്പിച്ചത്.
ഒമ്പതരയ്ക്കായിരുന്നു പ്രദർശനം തീരുമാനിച്ചതെങ്കിലും ഒമ്പതു മണിയോടെ ഹൗസ്ഫുൾ ആയി. പെരുമ്പാവൂരും പരിസരങ്ങളിലുമുള്ളവർ കൂട്ടത്തോടെ സിനിമ കാണാനെത്തിയിരുന്നു.
പൊലീസുദ്യോഗസ്ഥരും, തൊഴിൽ ദാതാക്കളും, സാമൂഹ്യ പ്രവർത്തകരും ഒപ്പമിരുന്ന് സിനിമ കണ്ടു. പെരുമ്പാവൂർ എ.എസ്.പി ഹാർദ്ദിക്ക് മീണ പ്രദർശനം ഉദ്ഘാടനം ചെയ്തു.
ചടങ്ങിൽ ഇൻസ്പെക്ടർ ടി.എം സൂഫി, ബൈശാലി ഗോസ്വാമി, എം.എച്ച് റിയാസ് തുടങ്ങിയവർ പ്രസംഗിച്ചു .ലഹരിയുടെ ദൂഷ്യ ഫലങ്ങളെക്കുറിച്ച് കൂടുതൽ അറിയാൻ കഴിഞ്ഞുവെന്ന് അതിഥിത്തൊഴിലാളികൾ പറഞ്ഞു. ലഹരി വിരുദ്ധ പ്രതിജ്ഞയെടുത്താണ് തൊഴിലാളികൾ പിരിഞ്ഞത്.
ലഹരിക്കെതിരെ ജില്ലാ പൊലീസ് മേധാവി എം ഹേമലതയുടെ നേതൃത്വത്തിൽ നടക്കുന്ന ഓപ്പറേഷൻ പുനർജ്ജനിയുടെ ഭാഗമായാണ് സിനിമാപ്രദർശനം നടത്തിയത്‌.
തൊഴിലാളികൾക്കിടയിൽ മയക്കുമരുന്നിന്റെ വരവും ഉപയോഗവും തടയുക, ആസക്തി ബാധിച്ചവർക്ക് വൈദ്യശാസ്ത്ര പരവും, മാനസികവും, സാമൂഹികവുമായ പിന്തുണ നൽകുക, ബോധവൽക്കരണം നൽകുക, ബദൽ ജീവിത ശൈലികൾ പ്രോത്സാഹിപ്പിക്കുക, മറ്റ് സംസ്ഥാനങ്ങളിലെ അധികാരികളുമായി സഹകരിച്ച് പരിശോധനകൾ നടത്തുക, സുരക്ഷിതമായ ജീവിതാന്തരീക്ഷം സൃഷ്ടിക്കുക,,കായിക വിനോദത്തിന് അവസരങ്ങളൊരുക്കുക തുടങ്ങിയവയാണ് ഓപ്പറേഷൻ പുനർജനിയിലൂടെ പ്രധാനമായി ലക്ഷ്യമിടുന്നത്. …
FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
