തൃപ്പൂണിത്തുറ ∙ എസ്എൻ ജംക്‌ഷനിൽ നിന്ന് പഴയ സ്റ്റാൻഡിലേക്ക് നടപ്പാതയിലൂടെ പോകുകയാണെങ്കിൽ സൂക്ഷിക്കണം. ഇവിടെയുള്ള കാനകളുടെ മുകളിലെ സ്ലാബുകൾ തകർന്നു കിടക്കുന്നത് അപകടഭീഷണി ഉയർത്തുന്നു. ടെലിഫോൺ എക്സ്ചേഞ്ചിനു സമീപവും പഴയ സ്റ്റാൻഡിലെ ബസ് സ്റ്റോപ്പിനു മുൻപിലുമാണു സ്ലാബുകൾ തകർന്നു കിടക്കുന്നത്.
ഒട്ടേറെ യാത്രക്കാർ പോകുന്ന നഗരത്തിന്റെ ഹൃദയഭാഗത്തുള്ള ഈ റോഡിന്റെ വശത്തു തന്നെ കോൺക്രീറ്റ് സ്ലാബ് തകർന്നിട്ട് ആഴ്ചകൾ കഴിഞ്ഞെങ്കിലും നടപടിയില്ലെന്ന് കാൽനടയാത്രക്കാർ പറയുന്നു.
കുറെ ദൂരം നല്ല സ്ലാബിലൂടെ വരുമ്പോൾ ഇടയ്ക്ക് ഒരെണ്ണം തകർന്നു കിടക്കുന്നത് പെട്ടെന്നു ശ്രദ്ധയിൽപെടില്ല. അതുകൊണ്ടുതന്നെ അപകടം സംഭവിക്കാനുള്ള സാധ്യത ഏറെയാണ്.
സമീപത്തെ സ്വകാര്യ സ്കൂളിലേക്ക് കുട്ടികൾ ഇതിലൂടെയാണു പോകുന്നത് എന്നുള്ളതും ഗൗരവം വർധിപ്പിക്കുന്നു. തിരക്കുള്ള റോഡായ കാരണം കാൽനട
യാത്രികർക്കു കാനകളുടെ മുകളിലുള്ള സ്ലാബുകളെ ആശ്രയിക്കുകയേ വഴിയുള്ളൂ.
സ്ലാബുകൾ തകർന്ന ഭാഗത്തു കാൽനടയാത്രികർ റോഡിലേക്ക് ഇറങ്ങുന്നതും അപകടങ്ങൾക്കു വഴിയൊരുക്കുന്നു. നഗരത്തിലെ പ്രധാന റോഡുകളിൽ ഒന്നായിട്ടും അധികൃതർ ഇങ്ങോട്ടു തിരിഞ്ഞു നോക്കാത്തതിൽ നാട്ടുകാർക്കുള്ള പ്രതിഷേധം ശക്തമാണ്.
അത്തം ഘോഷയാത്രയ്ക്കു ഇനി ദിവസങ്ങൾ മാത്രമാണുള്ളത്. ഒട്ടേറെ ആളുകൾ ഈ സ്ലാബിന്റെ മുകളിൽ നിന്നാണ് ഘോഷയാത്ര കാണുന്നത്.
അത്തം ഘോഷാത്രയ്ക്കു മുൻപുതന്നെ തകർന്ന സ്ലാബ് മാറ്റി പുതിയതു സ്ഥാപിക്കണമെന്നാണു നാട്ടുകാരുടെ ആവശ്യം. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
