അരൂർ ∙ അരൂർ– തുറവൂർ ഉയരപ്പാത നിർമാണ മേഖലയിൽ സർവീസ് റോഡിലെ ചെളിവെള്ളത്തിലൂടെ അതിവേഗത്തിൽ കടന്നു വന്ന കാർ സ്കൂട്ടർ യാത്രികന്റെ മേൽ ചെളിവെള്ളം തെറിപ്പിച്ചതിൽ പ്രതിഷേധിച്ച് സ്കൂട്ടർ യാത്രികൻ റോഡിലെ ചെളിവെള്ളം കോരി കാറിനു മുകളിൽ ഒഴിച്ച് കലി തീർത്തു. ചന്തിരൂർ സെന്റ് മേരീസ് പള്ളിയുടെ പടിഞ്ഞാറു ഭാഗത്താണ് സംഭവം.
എരമല്ലൂർ ഭാഗത്തു നിന്നും അരൂരിലേക്കു വന്ന കാർ റോഡിലെ ചെളിവെള്ളത്തിലൂടെ അതിവേഗത്തിൽ കടന്നു പോയപ്പോൾ സമീപത്തു കടന്നുവന്ന സ്കൂട്ടർ യാത്രികന്റെ ശരീരമാസകലം ചെളിവെള്ളത്തിൽ കുളിച്ച നിലയിലായി.
മുന്നേ കടന്നുപോയ കാറിനു മുന്നിൽ സ്കൂട്ടർ നിർത്തി ഇയാൾ കാർ ഡ്രൈവറോട് പ്രതിഷേധം അറിയിച്ചു. വസ്ത്രങ്ങൾ കഴുകിത്തരണമെന്നു ആവശ്യപ്പെട്ടു.
കാർ ഡ്രൈവർ സ്കൂട്ടർ യാത്രികനു നേരെ 100 രൂപ വച്ച് നീട്ടി. ഇതിൽ രോഷാകുലനായ സ്കൂട്ടർ യാത്രികൻ റോഡിൽ കെട്ടിക്കിടന്ന ചെളി വെള്ളവും ചെളിയും നിർത്തിയിട്ടിരുന്ന കാറിനു മുകളിൽ കൈകൊണ്ട് കോരി ഒഴിച്ച് പ്രതിഷേധവും രോഷവും തീർത്തു.
സമീപത്തെ ചന്തിരൂർ ലോട്ടറി തൊഴിലാളി സംഭവത്തിന് ദൃക്സാക്ഷിയായിരുന്നു. ഇരുവരും പിന്നീട് ഒരേ ദിശയിൽ കടന്നുപോയി.
ഇതു സംബന്ധിച്ച് നവമാധ്യമങ്ങളിൽ വാർത്തയും ദൃശ്യങ്ങൾ വൈറലായിട്ടുണ്ട്. എന്നാൽ ആരും ഇതുവരെ ഈ വിഷയത്തിൽ പരാതി നൽകിയിട്ടില്ലെന്ന് പൊലീസ് പറയുന്നു.
7.5 കിലോമീറ്റർ ഭാഗത്ത് കാന നിർമാണം പൂർത്തിയായി
ഇതുവരെ ഉയരപ്പാതയുടെ 7.5 കിലോമീറ്റർ ഭാഗത്ത് കാന നിർമാണം പൂർത്തിയായി. അരൂർ മുതൽ തുറവൂർ വരെയുള്ള പാതയിൽ കുത്തിയതോട്, ചന്തിരൂർ എന്നിവിടങ്ങളിലുള്ള പ്രധാനപ്പെട്ട
2 തോടുകളിലേക്കും അരൂർ ബൈപാസിനു സമീപമുള്ള കൈതപ്പുഴക്കായലിലേക്കുമാണ് കാനയെത്തുന്നത്. തകർന്നു കുണ്ടും കുഴിയും വെള്ളക്കെട്ടും ചെളിയും പുതഞ്ഞ സർവീസ് റോഡ് ഒട്ടേറെ അപകടങ്ങൾക്കും ഗതാഗതക്കുരുക്കിനും കാരണമാകുന്നുണ്ട്.
ദേശീയപാത അധികൃതരും സർക്കാർ സംവിധാനങ്ങളും യഥാസമയം ചെയ്യേണ്ടിയിരുന്ന ഉത്തരവാദിത്തം നിർവഹിക്കാത്തതാണ് റോഡിൽ നിലവിൽ ജനങ്ങൾ ഇപ്പോൾ നേരിടുന്ന ദുരിതങ്ങൾക്കു കാരണം. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
