തട്ടാരമ്പലം–കവല റോഡിൽ ടാറിങ് ഇടിഞ്ഞു താഴ്ന്ന് കുഴി രൂപപ്പെട്ടു

കരിപ്പുഴ ∙ തട്ടാരമ്പലം–കവല റോഡിൽ കരിപ്പുഴ ജംക്‌ഷനും കടവൂർ കുളത്തിനും ഇടയിലുള്ള കലുങ്കിനു സമീപത്ത് അപകടക്കെണിയായി കുഴി. കരിപ്പുഴ ജംക്‌ഷനു കിഴക്ക് കരിപ്പുഴ സെന്റ് ജോർജ് കുരിശടിക്കു എതിർവശത്താണു കുഴി രൂപപ്പെട്ടിരിക്കുന്നത്.

ഓടയോടു ചേർന്നുള്ള ടാറിങ് ഇടിഞ്ഞു താഴ്ന്നാണു കുഴി രൂപപ്പെട്ടിരിക്കുന്നത്. തട്ടാരമ്പലത്തിൽ നിന്നെത്തുന്ന വാഹനങ്ങൾ കലുങ്കിന്റെ ഭാഗത്തു വച്ചു എതിർദിശയിൽ നിന്നെത്തുന്ന വാഹനങ്ങൾക്കായി വശത്തേക്ക് ഒതുക്കിയാൽ അപകടം സംഭവിക്കുമെന്ന് നാട്ടുകാർ പറയുന്നു.

ഇവിടെ വൈദ്യുതത്തൂണും ഓടയിലാണു സ്ഥിതി ചെയ്യുന്നത്. റോ‍ഡിലെ കുഴി മൂടുന്നതിനു എത്രയും വേഗം നടപടി സ്വീകരിക്കണമെന്നാണു യാത്രക്കാരുടെ ‌ആവശ്യം. …