മുത്തശ്ശിയുടെ താരാട്ടു നിലച്ചത് അറിഞ്ഞില്ല, ജ്യേഷ്ഠന്റെ കൈച്ചൂടിൽ മയങ്ങി കുഞ്ഞ് അഭിരാം; സ്തബ്ധനായി അഭിഷേക്

മുത്തശ്ശിയുടെ താരാട്ടു നിലച്ചത് അറിഞ്ഞില്ല, ജ്യേഷ്ഠന്റെ കൈച്ചൂടിൽ മയങ്ങി കുഞ്ഞ് അഭിരാം; സ്തബ്ധനായി അഭിഷേക് ആലപ്പുഴ ∙ മെഡിക്കൽ കോളജ് ആശുപത്രിയിൽ കുഞ്ഞ് അഭിരാമിനെ നെഞ്ചോടു ചേർത്ത്, അവന്റെ മുറിവുകളിൽ തലോടി സ്തബ്ധനായി നിൽക്കുകയായിരുന്നു അഭിഷേക് (24). രണ്ട് അനിയൻമാരുടെ ജ്യേഷ്ഠനാണ്, കുടുംബത്തിന്റെ കരുത്താണ്, ധൈര്യം സംഭരിച്ചേ മതിയാകൂ.കുഞ്ഞനിയന് 9 മാസമേ പ്രായമുള്ളൂ.

അവന് അഭിഷേകുമായി 23 വയസ്സിന്റെ  വ്യത്യാസമുണ്ട്.  അവന്റെ ചോറൂണിനായുള്ള യാത്രയിൽ അഭിഷേകുണ്ടായിരുന്നില്ല.  Read Also


കണ്ണീർപ്പാത: ഒരേ സ്ഥലം; രണ്ടാഴ്ച, രണ്ട് അപകടം, രണ്ടു മരണം


Alappuzha News




അഭിഷേക് എറണാകുളത്തെ ജോലിസ്ഥലത്തേക്ക് പോകുകയായിരുന്നു. അതിനിടെയാണ് അപകട

വിവരമറിഞ്ഞത്. ആ യാത്ര അവസാനിച്ചത് മെഡിക്കൽ കോളജിൽ.  അവിടെയെത്തി ആദ്യം കേട്ടത് ഇനി മുത്തശ്ശിയില്ലെന്ന വാർത്ത.

അച്ഛൻ ഗുരുതരാവസ്ഥയിലാണ്, അമ്മയ്ക്കും അനിയൻമാർക്കും പരുക്കുകളുണ്ട്. അവനേയുള്ളൂ എല്ലായിടത്തും ഓടിയെത്താൻ.അതിനിടയിൽ അച്ഛനെ എറണാകുളത്തെ സ്വകാര്യ ആശുപത്രിയിലേക്കു മാറ്റി, കൂടെപ്പോയതും അഭിഷേകാണ്.  ജ്യേഷ്ഠന്റെ കൈച്ചൂടിൽ മയങ്ങുമ്പോൾ മുത്തശ്ശിയുടെ താരാട്ടു നിലച്ചത് അഭിരാം അറിഞ്ഞില്ല.

…