ആലപ്പുഴ ∙ പാട്ടിന്റെ പാരിജാതങ്ങൾ തിരുമിഴി തുറക്കുന്ന സുന്ദരനിമിഷങ്ങളിലേക്കു സ്വാഗതം. മലയാളിയുടെ പ്രണയത്തിലും വിരഹത്തിലും തത്വചിന്തയിലുമെല്ലാം ഇന്നും ശ്രുതിയും താളവുമാകുന്ന വയലാറിന്റെ അനശ്വര ഗാനങ്ങളെക്കുറിച്ചുള്ള സർഗസംവാദം നാളെയാണ്. കവിയും ഗാനരചയിതാവുമായ വയലാർ രാമവർമയുടെ 50–ാം ചരമവാർഷികത്തിന്റെ ഭാഗമായി മലയാള മനോരമ സംഘടിപ്പിക്കുന്ന ഹോർത്തൂസ് വയലാർ സ്മൃതി –‘ചന്ദ്രകളഭം’ 16ന് രാവിലെ 9.30 മുതൽ ചേർത്തല എസ്എൻ കോളജിൽ നടക്കും.
വയലാറിന്റെ നിത്യഹരിത ഗാനങ്ങളെക്കുറിച്ചുള്ള സർഗസംവാദത്തിനൊപ്പം വയലാർ ഗാനാഞ്ജലിയും വയലാറിന്റെ കവിതകളുടെയും ഗാനങ്ങളുടെയും നൃത്താവിഷ്കാരമുണ്ടാകും. വയലാറിന്റെ നിത്യഹരിതഗാനങ്ങളെക്കുറിച്ച് അദ്ദേഹത്തിന്റെ മകനും ഗാനരചയിതാവുമായ വയലാർ ശരത്ചന്ദ്ര വർമ, സിനിമ സെൻസർ ബോർഡ് അംഗവും ഗാനരചയിതാവുമായ രാജീവ് ആലുങ്കൽ, അധ്യാപകനും ചലച്ചിത്രഗാനനിരൂപകനുമായ ഡോ.സജിത്ത് ഏവൂരേത്ത് എന്നിവർ സംവദിക്കും.
ചേർത്തല എസ്എൻ കോളജിലെ മലയാളം വിഭാഗത്തിന്റെ സഹകരണത്തോടെയാണു പരിപാടി. നവംബർ 27 മുതൽ 30 വരെ കൊച്ചിയിൽ നടക്കുന്ന കേരളത്തിലെ ഏറ്റവും വലിയ കലാ–സാഹിത്യ–സാംസ്കാരികോത്സവമായ മനോരമ ഹോർത്തൂസിനു മുന്നോടിയായാണ് പരിപാടി സംഘടിപ്പിക്കുന്നത്.
പ്രവേശനം സൗജന്യം. പൊതുജനങ്ങൾക്കും മറ്റു കോളജുകളിലെ വിദ്യാർഥികൾക്കും പങ്കെടുക്കാം. ഫോൺ: 98460 05700 … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
