തുറവൂർ ∙ പൊലീസ് ഉദ്യോഗസ്ഥരെ ആക്രമിച്ച് ജോലി തടസ്സപ്പെടുത്തിയ കേസിൽ പ്രതികളിലൊരാൾ അറസ്റ്റിൽ. ആന്റി നർകോട്ടിക് സ്ക്വാഡിലെ പൊലീസ് ഉദ്യോഗസ്ഥരായ സേവ്യർ, ശ്യാംകുമാർ എന്നിവരെ കയ്യേറ്റം ചെയ്ത കേസിൽ പള്ളിത്തോട് വാലയിൽ വീട്ടിൽ ഹെനോക്കനെ(28) കുത്തിയതോട് പൊലീസ് അറസ്റ്റ് ചെയ്തു. പട്ടണക്കാട് പൊലീസ് സ്റ്റേഷനിൽ റജിസ്റ്റർ ചെയ്ത ലഹരിമരുന്നു കേസിലെ പ്രതികളെ ആന്റി നർകോട്ടിക് സ്ക്വാഡിലെ ഉദ്യോഗസ്ഥർ ചോദ്യം ചെയ്തിരുന്നു.
അവരിൽ നിന്നു ലഭിച്ച വിവരത്തിന്റെ അടിസ്ഥാനത്തിൽ അന്വേഷണത്തിന് പൊലീസ് ഉദ്യോഗസ്ഥർ ഹെനോക്കന്റെ വീട്ടിലെത്തിയത് അറിഞ്ഞ് ഹെനോക്കനും സുഹൃത്തുക്കളും എത്തി പൊലീസ് ഉദ്യോഗസ്ഥരെ കയ്യേറ്റം ചെയ്യുകയും ഭീഷണിപ്പെടുത്തുകയുമായിരുന്നു.
കുത്തിയതോട് സ്റ്റേഷനിൽ നിന്നു കൂടുതൽ പൊലീസ് എത്തിയാണ് അറസ്റ്റ് ചെയ്തത്. ചേർത്തല കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
