മാവേലിക്കര ∙ മാതൃവിദ്യാലയത്തിലെ ഇപ്പോഴത്തെ കുട്ടികൾക്കായി പാർക്ക് ഒരുക്കി നൽകി പൂർവ വിദ്യാർഥികൾ. മാവേലിക്കര ഗവ.ടിടിഐയിൽ (പഴയ ബേസിക് ട്രെയിനിങ് സ്കൂൾ എന്ന ബിടിഎസ്) 1969–76 ബാച്ചിൽ പഠിച്ചവരാണു സ്കൂളിലെ പ്രീപ്രൈമറി, പ്രൈമറി കുരുന്നുകൾക്കായി പാർക്ക് സമ്മാനമായി നൽകുന്നത്. റോഡിനു പടിഞ്ഞാറ് വശത്തു സ്കൂൾ കെട്ടിടത്തിന്റെ തെക്കു കിഴക്കേ ഭാഗത്താണ് പാർക്ക് ഒരുക്കുന്നത്.
മുറ്റത്തെ നെല്ലിമരത്തിനു ചുറ്റും ഇരിപ്പിടം, 6 കുട്ടി റൈഡുകൾ, ഊഞ്ഞാൽ എന്നിവ ക്രമീകരിച്ചിട്ടുണ്ട്.
പാർക്കിനു സമീപത്തെ ചുറ്റുമതിലിലും സ്കൂൾ കെട്ടിടത്തിന്റെ ഭിത്തിയിലും കാർട്ടൂൺ കഥാപാത്രങ്ങളെ ഉൾപ്പെടുത്തിയുള്ള ചിത്രങ്ങളും ഒരുക്കുന്നുണ്ട്. കുട്ടികൾക്കായി മിനി ബാസ്കറ്റ് ബോൾ കോർട്ടും ഉണ്ട്.കൺവീനർ സുഭാഷ് ഉണ്ണിയുടെ നേതൃത്വത്തിൽ 17 അംഗ കോർ കമ്മിറ്റിയാണു പ്രവർത്തനത്തിനു ചുക്കാൻ പിടിക്കുന്നത്.
മൊത്തം 2.35 ലക്ഷം രൂപയാണു ചെലവ് പ്രതീക്ഷിക്കുന്നത്. ബാച്ചിലെ കൂട്ടായ്മയിൽ സജീവമായ 58 അംഗങ്ങൾ ധനസമാഹരണത്തിനു നേതൃത്വം നൽകുന്നു.
29നു രാവിലെ 10.30നു പാർക്കിന്റെ ഉദ്ഘാടനം നടത്തും. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
