വെള്ളരിക്കുണ്ട്∙ ബസ് സ്റ്റാൻഡ് നിർമാണത്തിന്റെ ഭാഗമായി നവംബർ ഒന്നുമുതൽ ടൗണിൽ ട്രാഫിക് പരിഷ്കാരം നടപ്പിലാക്കാൻ പഞ്ചായത്ത്,ആർടിഒ, പൊലീസ് അധികൃതരുടെ യോഗം തീരുമാനിച്ചു. ഭീമനടി ഭാഗത്തുനിന്നു കൊന്നക്കാട് ഭാഗത്തേക്ക് പോകേണ്ട ബസുകൾ കുരിശുപള്ളിയുടെ ഭാഗത്ത് നിന്നു തിരിച്ച് നിലവിലുള്ള കാത്തിരിപ്പ് കേന്ദ്രത്തിൽ ആളുകളെ കയറ്റുകയും ഇറക്കുകയും വേണം.
ടൗണിൽ നിന്ന് ഒടയൻചാൽ ഭാഗത്തേക്കുള്ള വാഹനങ്ങൾ കാത്തിരിപ്പ് കേന്ദ്രത്തിൽ നിന്ന് ആളുകളെ കയറ്റിയിറക്കിയതിന് ശേഷം വേണം പോകുവാൻ.
ഒടയൻചാൽ ഭാഗത്തുനിന്നു വരുന്ന വാഹനങ്ങൾ നിലവിലെ ഓട്ടോസ്റ്റാന്റിൽ നിർത്തി വേണം യാത്രക്കാരെ കയറ്റാനും ഇറക്കാനും. യോഗത്തിൽ പഞ്ചായത്ത് പ്രസിഡന്റ് രാജു കട്ടക്കയം അധ്യക്ഷനായി.
വൈസ് പ്രസിഡന്റ് എം.രാധാമണി,അസി.മോട്ടർ വെഹിക്കിൾ ഇൻസ്പെക്ടർ വി.ജെ.സാജു, വെള്ളരിക്കുണ്ട് എസ്ഐ സുമേഷ്ബാബു, പഞ്ചായത്ത് അസി.സെക്രട്ടറി എം.മധു എന്നിവർ പങ്കെടുത്തു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
