നീലേശ്വരം∙ ദേശീയപാത സർവീസ് റോഡിന്റെ നിർമാണം പൂർത്തിയായി വാഹനങ്ങൾ ഓടാൻ തുടങ്ങിയിട്ടു മാസങ്ങളായിട്ടും മന്ദംപുറം റോഡിലേക്ക് ഇറങ്ങുന്ന ഭാഗത്തു റോഡിനു പാർശ്വഭിത്തി പോലും കെട്ടിയിട്ടില്ല എന്നു പരാതി. അരിക് കെട്ടാത്തതിനാൽ സുരക്ഷയ്ക്കായി വച്ചിരുന്ന കോൺക്രീറ്റ് സംരക്ഷണ ഭിത്തി റോഡരികിലെ കുഴിയിൽ വീണിട്ടുണ്ട്.
മുൻപ് ഭാരവാഹനങ്ങൾ പോലും സുഗമമായി കടന്നു പോയിരുന്ന റോഡിന്റെ വീതി കുറഞ്ഞതായും നാട്ടുകാർ പരാതി പറയുന്നു. നിർമാണത്തിലെ അപാകത കാരണം കലുങ്ക് താഴ്ന്നതിനാൽ ഭാരവാഹനങ്ങൾ സർവീസ് റോഡിലൂടെ പോകുമ്പോൾ ഉണ്ടാകുന്ന വലിയ ശബ്ദം കാരണം ഉറങ്ങാൻ പോലും ആകുന്നില്ലെന്നു പരിസരവാസികൾ പറയുന്നു.
ഒരു മാസം മുൻപ് ഒരു ലോറി ഇവിടെ താഴ്ന്നതിനെ തുടർന്നു താൽക്കാലികമായി കരിങ്കല്ല് നിരത്തുക മാത്രമാണ് ചെയ്തത് എന്നും ഇത്രയും പരാതികൾ ഉണ്ടായിട്ടും പ്രശ്ന പരിഹാരത്തിനായി കൃത്യമായ ഇടപെടൽ ഉണ്ടായിട്ടില്ല എന്നുമാണ് ആക്ഷേപം. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
