കാസർകോട് ∙ ചെറുവത്തൂരിൽ നിന്നും കാണാതായ നാല് സ്കൂൾ വിദ്യാർഥികളെ ഷൊർണൂരിൽ നിന്നും കണ്ടെത്തി. കാടങ്കോട് ഗവ.ഫിഷറീസ് സ്കൂളിലെ 8, 9 ക്ലാസുകളിലെ 4 ആൺകുട്ടികളെയാണ് കാണാതായത്.
ചെറുവത്തൂർ കുഴിഞ്ഞിടിയിലെ സ്ഥാപനത്തിൽ താമസിച്ച് പഠിക്കുന്ന ബന്തടുക്ക, കുണ്ടംകുഴി സ്വദേശികളാണ് വിദ്യാർഥികൾ. വെള്ളിയാഴ്ച രാവിലെ സ്കൂളിലേക്ക് പോയ വിദ്യാർഥികളെ ഉച്ചയ്ക്ക് ഭക്ഷണം കഴിക്കാൻ പോയതിന് ശേഷമാണ് കാണാതായത്.
താമസിക്കുന്ന സ്ഥാപനത്തിലേക്ക് വൈകിട്ട് വിദ്യാർഥികൾ തിരിച്ചെത്താത്തതിനെ തുടർന്ന് നടത്തിയ അന്വേഷണത്തിലാണ് കാണാതായെന്ന് വ്യക്തമായത്.
തുടർന്ന് പൊലീസ് നടത്തിയ അന്വേഷണത്തിൽ കുട്ടികൾ കോഴിക്കോട് ഭാഗത്തേക്കുള്ള ട്രെയിനിൽ കയറിയതായി കണ്ടെത്തി. സിസിടിവി ദൃശ്യങ്ങൾ അടക്കം പരിശോധിച്ച് കണ്ടെത്താനുള്ള ശ്രമത്തിനിടെ ഷൊർണൂരിൽ നിന്നും ശനിയാഴ്ച രാവിലെ കണ്ടെത്തുകയായിരുന്നു.
ശനിയാഴ്ച വൈകിട്ടോടെ കാസർകോട് എത്തിക്കും. വിദ്യാർഥികൾ സ്കൂളിൽ നിന്നു പോകാനുണ്ടായ കാരണത്തെക്കുറിച്ച് അന്വേഷിക്കുകയാണെന്ന് പൊലീസ് പറഞ്ഞു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
