ടൊവിനോ തോമസിനെ ഹോളിവുഡ് നടൻ ക്രിസ്റ്റ്യൻ ബെയ്ലിനോടുപമിച്ച് സംവിധായകൻ ജൂഡ് ആന്തണി ജോസഫ്. എ.ആർ.എം എന്ന ചിത്രത്തെ അഭിനന്ദിച്ചുകൊണ്ടെഴുതിയ സോഷ്യൽ മീഡിയാ പോസ്റ്റിലാണ് ടൊവിനോയേക്കുറിച്ചും ജൂഡ് എഴുതിയത്. ഇന്നു നമുക്കുള്ളതിൽ വച്ച് ഏറ്റവും ഏറ്റവും കഠിനാധ്വാനിയായ നടനാണ് ടൊവിനോയെന്നും ജൂഡ് പറഞ്ഞു.
“ഒരു നടൻ തന്റെ ശരീരവും കഴിവുകളും എങ്ങനെ തേച്ചു മിനുക്കണം എന്ന് പഠിക്കാൻ സിനിമയിൽ വരാൻ ആഗ്രഹിക്കുന്ന ഏതൊരാൾക്കുമുള്ള പാഠപുസ്തകമാണ് ഈ മനുഷ്യൻ. മലയാളത്തിന്റെ Christian Bale എന്ന് വേണമെങ്കിൽ പറയാം. അത്രയും അദ്ധ്വാനം ഓരോ കഥാപാത്രത്തിനും ടോവി എടുക്കുന്നുണ്ട്. The Most Hard Working Actor we have. 2018 സംഭവിക്കാനുള്ള കാരണവും ഈ മനുഷ്യന്റെ ഒറ്റ യെസ്സും പടത്തിനോട് കാണിച്ച നൂറു ശതമാനം ആത്മാർത്ഥതയുമാണ്.
ഇന്നലെ ARM കണ്ടപ്പോഴും ഞാൻ ആ passionate ആക്ടറേ വീണ്ടും കണ്ടു. ഇത് മലയാളത്തിന് അഭിമാനിക്കാവുന്ന സിനിമയാണ്. Congratulations team ARM.” ജൂഡിന്റെ വാക്കുകൾ.
മാജിക് ഫ്രെയിംസും യു.ജി.എം മോഷൻ പിക്ചേഴ്സും ചേർന്നാണ് ഈ ബിഗ് ബജറ്റ് 3ഡി ചിത്രം നിർമിച്ചത്. ഇന്ത്യയിൽനിന്നും വിദേശത്തിനിന്നുമായി ‘A.R.M’ 87 കോടിയിലധികം കളക്ഷൻ സ്വന്തമാക്കിയിരുന്നു. നവാഗതനായ ജിതിൻ ലാൽ സംവിധാനം ചെയ്ത ചിത്രം രചന നിർവഹിച്ചിരിക്കുന്നത് സുജിത് നമ്പ്യാരാണ്. നാൽപ്പത് കോടിയിലധികം മുതൽമുടക്കിൽ നിർമ്മിച്ച ചിത്രത്തിന് ലോകമെമ്പാടുനിന്നും മികച്ച അഭിപ്രായമാണ് ലഭിച്ചുവരുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
