നടി തൃഷക്കെതിരെ നടത്തിയ അപകീർത്തി പരാമർശങ്ങളിൽ പ്രതികരണവുമായി നടൻ മൻസൂർ അലിഖാൻ. തമാശരീതിയിലുള്ള പരാമർശമായിരുന്നു തന്റേതെന്നും ആരോ എഡിറ്റ് ചെയ്ത വീഡിയോ കണ്ട് തൃഷ തെറ്റിധരിക്കുകയായിരുന്നുവെന്നും മൻസൂർ അലിഖാൻ പറഞ്ഞു. സോഷ്യൽ മീഡിയയിലൂടെയായിരുന്നു നടന്റെ പ്രതികരണം.
‘മനുഷ്യനെന്ന നിലയില്‍ ജനങ്ങള്‍ക്ക് വേണ്ടി ഞാന്‍ ഒരുപാട് നല്ല കാര്യങ്ങള്‍ ചെയ്തിട്ടുണ്ട്. അത് ഇനിയും തുടരും. എന്റെ വ്യക്തിത്വത്തെ ഇങ്ങനെ ചോദ്യം ചെയ്യേണ്ടതില്ല. എനിക്കെതിരെയുള്ള അപകീര്‍ത്തിപ്രചാരണമല്ലാതെ ഇതില്‍ മറ്റൊന്നുമില്ല. മനുഷ്യരാശിക്ക് വേണ്ടിയാണ് ഞാന്‍ നിലകൊള്ളുന്നത്. തമിഴ് ജനതയ്ക്ക് എന്നെ അറിയാം. ഞാനാരാണെന്നും എന്താണെന്നും എല്ലാവര്‍ക്കും അറിയുന്ന കാര്യമാണ്.
തമാശയായാണ് ഞാന്‍ അങ്ങനെ പറഞ്ഞത്. എഡിറ്റ് ചെയ്ത വീഡിയോ ആയിരിക്കാം തൃഷ കണ്ടത്. അതാണ് അവര്‍ക്ക് അങ്ങനെയൊരു തെറ്റിധാരണ വന്നത്. എന്റെ മകൾ തൃഷയുടെ വലിയ ആരാധികയാണ്. ഇക്കാര്യം ലിയോ സിനിമയുടെ പൂജ സമയത്ത് തൃഷയോട് പറഞ്ഞിട്ടുണ്ട്’, മൻസൂർ അലിഖാൻ പറഞ്ഞു. സഹനടിമാരോട് എപ്പോഴും തനിക്ക് ബഹുമാനമാണെന്നും തെറ്റായി ഒന്നും ചെയ്തിട്ടില്ലെന്നാണ് കരുതുന്നതെന്നും നടൻ കൂട്ടിച്ചേർത്തു.
വ്യാപക പ്രതിഷേധമാണ് മൻസൂർ അലിഖാന്റെ പ്രസ്തമാവനയിൽ സിനിമാതാരങ്ങളുടെ ഭാഗത്തുനിന്നും ഉണ്ടാകുന്നത്. മൻസൂർ അലി ഖാനെതിരെ രൂക്ഷവിമർശനവുമായി തൃഷ എത്തിയതിന് പിന്നാലെ നടനെ വിമർശിച്ച് സംവിധായകൻ ലോകേഷ് കനകരാജും നടി മാളവിക മോഹനനും ഗായിക ചിന്മയിയുമൊക്കെ രംഗത്തെത്തിയിരുന്നു.
ലിയോ സിനിമയുമായി ബന്ധപ്പെട്ട് ഒരു തമിഴ് മാധ്യമത്തിന് നൽകിയ അഭിമുഖത്തിലാണ് മൻസൂർ അലി ഖാൻ തൃഷയ്ക്കെതിരെ മോശം പരാമർശങ്ങൾ നടത്തിയത്. ലിയോയിൽ തൃഷയാണ് നായികയെന്നറിഞ്ഞപ്പോൾ ഒരു കിടപ്പറ രംഗമുണ്ടാവുമെന്ന് പ്രതീക്ഷിച്ചു. 350-ഓളം ചിത്രങ്ങളിലഭിനയിച്ചപ്പോൾ നമ്മൾ ചെയ്യാത്തതരം റേപ്പ് സീനുണ്ടോ, ചിത്രത്തിലെ വില്ലൻ വേഷം പോലും തനിക്ക് തന്നില്ല എന്നൊക്കെയാണ് മൻസൂർ അലിഖാൻ പറഞ്ഞത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
