ആരാധകർ ഏറെ ആവേശത്തോടെ കാത്തിരിക്കുന്ന ചിത്രമാണ് മോഹൻലാൽ-തരുൺ മൂർത്തി കൂട്ടുകെട്ടിലെത്തുന്ന L360 എന്ന് താത്കാലികമായി പേരിട്ടിരിക്കുന്ന സിനിമ. ടാക്സി ഡ്രൈവറുടെ വേഷത്തിൽ മോഹൻലാലെത്തുന്ന ചിത്രം പ്രേക്ഷകരെ നിരാശപ്പെടുത്തില്ലെന്ന് പറയുകയാണ് നിർമാതാവ് എം. രഞ്ജിത്ത്.
ചിത്രത്തിൽ സാധാരണക്കാരനായ ടാക്സി ഡ്രൈവറായാണ് മോഹൻലാൽ എത്തുന്നത്. സാധാരണക്കാരനായ ലാലേട്ടനെ എല്ലാവർക്കും ഇഷ്ടമാണല്ലോ. ലാലേട്ടനിൽ നിന്ന് പ്രതീക്ഷിക്കുന്നത് ലഭിക്കും, നിരാശപ്പെടുത്തില്ല. എന്തും ചെയ്യാൻ കഴിവുള്ള ഇന്ത്യയിലെ ഏറ്റവും മികച്ച നടനാണ് അദ്ദേഹം, എം രഞ്ജിത്ത് പറഞ്ഞു.
സാധാരണക്കാരനായ ഒരു ടാക്സി ഡ്രൈവറുടെ കഥാപാത്രമാണ് ഈ ചിത്രത്തില്‍ മോഹന്‍ലാല്‍ അവതരിപ്പിക്കുന്നത്. അദ്ദേഹത്തിന്റെ ജീവിതത്തില്‍ അരങ്ങേറുന്ന ചില സംഭവങ്ങള്‍ വലിയ തലങ്ങളിലേക്കു കൂടി സഞ്ചരിക്കുന്നു. സാധാരണക്കാരുടെ ജീവിതവുമായി ബന്ധപ്പെട്ടാണ് ഈ ചിത്രത്തിന്റെ കഥാ പുരോഗതി. മലയാളി പ്രേക്ഷകന്റെ പ്രിയപ്പെട്ട നായിക ശോഭന ഏറെ ഇടവേളക്കു ശേഷം ഈ ചിത്രത്തിലെ നായികയായി എത്തുന്നു എന്ന കൗതുകവും ഈ ചിത്രത്തിനുണ്ട്.
ഫര്‍ഹാന്‍ ഫാസില്‍, മണിയന്‍പിള്ള രാജു, ബിനു പപ്പു, നന്ദു, ഇര്‍ഷാദ്, അര്‍ഷാബൈജു, തോമസ് മാത്യു, പ്രകാശ് വര്‍മ്മ, കൃഷ്ണ പ്രഭ, അരവിന്ദ്, എന്നിവരും ഈ ചിത്രത്തിലെ പ്രധാന താരങ്ങളാണ്. ഇവര്‍ക്കൊപ്പം നിരവധി പുതുമുഖങ്ങളും ഈ ചിത്രത്തില്‍ അണിനിരക്കുന്നു. കെ.ആര്‍. സുനിലിന്റെ കഥക്ക് തരുണ്‍ മൂര്‍ത്തിയും കെ.ആര്‍. സുനിലും ചേര്‍ന്ന് തിരക്കഥ രചിച്ചിരിക്കുന്നു. ഛായാഗ്രഹണം- ഷാജികുമാര്‍, എഡിറ്റിംഗ്- നിഷാദ് യൂസഫ്, കലാസംവിധാനം- ഗോകുല്‍ ദാസ്, മേക്കപ്പ്- പട്ടണം റഷീദ്, കോസ്റ്റ്യും ഡിസൈന്‍- സമീരാ സനീഷ്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
