കുതിപ്പ് തുടർന്ന് ’ഗദർ 2′; 500 കോടി ക്ലബ്ബിന് തൊട്ടരികിൽ സണ്ണി ഡിയോൾ ചിത്രം
ബോക്സോഫീസിൽ കുതിപ്പ് തുടർന്ന് സണ്ണി ഡിയോൾ നായകനായെത്തിയ ഗദർ 2. ചിത്രം ഇതുവരെ 492 കോടി രൂപ നേടിയെന്നാണ് റിപ്പോർട്ടുകൾ. രണ്ടുദിവസത്തിനുള്ളിൽ ചിത്രം 500 കോടി ക്ലബ്ബിലെത്തുമെന്നാണ് അനലിസ്റ്റുകൾ പ്രവചിക്കുന്നത്.
23-ാം ദിവസം ആറുകോടിയാണ് ചിത്രം സ്വന്തമാക്കിയത്. 2001-ൽ പുറത്തിറങ്ങിയ ചിത്രത്തിന്റെ ആദ്യ ഭാഗമായ ‘ഗദർ: ഏക് പ്രേം കഥ’ ബ്ലോക്ബസ്റ്ററായിരുന്നു. ആദ്യഭാഗമൊരുക്കിയ അനില്‍ ശര്‍മയാണ് ചിത്രത്തിന്റെ സംവിധായകന്‍. അമീഷ പട്ടേൽ തന്നെയാണ് രണ്ടാം ഭാഗത്തിലേയും നായിക.
80 കോടി ബജറ്റിലാണ് ചിത്രമെത്തിയത്. ഹിന്ദി സിനിമയില്‍ ഈ വര്‍ഷം പുറത്തിറങ്ങിയ ചിത്രങ്ങളില്‍ ഷാരൂഖ് ഖാന്‍ നായകനായ പഠാന് ശേഷം ഏറ്റവും വലിയ ഹിറ്റായി മാറിയിരിക്കുകയാണ് ഗദാര്‍ 2. അക്ഷയ് കുമാർ നായകനായെത്തിയ ഓ മെെ ഗോഡ് 2 വിനൊപ്പം ഓഗസ്റ്റ് 11-നാണ് ഗദർ 2 തിയേറ്ററുകളിലെത്തിയത്.
1947 ല്‍ ഇന്ത്യയുടെ വിഭജനകാലത്ത് നടക്കുന്ന ഒരു പ്രണയകഥയാണ് ‘ഗദര്‍: എക് പ്രേം കഥ’യുടെ പ്രമേയം. 22 വര്‍ഷങ്ങള്‍ക്കിപ്പുറം രണ്ടാംഭാഗത്തില്‍ 1971 ലെ ഇന്ത്യ-പാക്ക് യുദ്ധമാണ് പശ്ചാത്തലം. താരാസിങ് (സണ്ണി ഡിയോള്‍)- സക്കീന (അമീഷ പട്ടേല്‍) ദമ്പതിമാരുടെ ജീവിതമാണ് ചിത്രത്തില്‍ അവതരിപ്പിക്കുന്നത്. സമാധാനപരമായി മുന്നോട്ടുപോയികൊണ്ടിരുന്ന താരാസിങിന്റെ കുടുംബത്തില്‍ സംഭവിക്കുന്ന അപ്രതീക്ഷിത സംഭവങ്ങളാണ് ചിത്രത്തിന്റെ പ്രമേയം.
Content Highlights: Gadar 2 box office collection sunny Deol Amisha Patel movie set to enter 500 crore club
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
