കഞ്ചിക്കോട് (പാലക്കാട്) ∙ കാര്യക്ഷമതയില്ലെന്നു ചൂണ്ടിക്കാട്ടി കേന്ദ്രസർക്കാർ സ്വകാര്യവൽക്കരണവുമായി മുന്നോട്ടുപോവുന്നതിനിടെ പൊതുമേഖലാ സ്ഥാപനമായ ബെമ്‌ലിന് 150 യൂണിറ്റ് 6 x 6 ഹൈ മൊബിലിറ്റി വാഹനങ്ങളുടെ (എച്ച്എംവി) ഓർഡർ ലഭിച്ചു. പ്രതിരോധ മന്ത്രാലയത്തിൽ നിന്നാണ് 293.81 കോടി രൂപയുടെ ഓർഡർ ലഭിച്ചത്.
എച്ച്എംവികൾ പ്രധാനമായും ബെമ്‌ലിന്റെ പാലക്കാട്ടെ കഞ്ചിക്കോട് പ്ലാന്റിലും മൈസൂരു പ്ലാന്റിലുമാണു നിർമിക്കുന്നത്.
കൂടുതൽ ഓർഡർ ലഭിച്ചതോടെ പ്രവർത്തനസൗകര്യത്തിനായി മറ്റു യൂണിറ്റുകളിലും നിർമാണം നടത്തും. 6 x 6 വാഹനങ്ങൾ അത്യന്തം പ്രയാസമുള്ള പ്രദേശങ്ങളിൽ സഞ്ചരിക്കാൻ രൂപകൽപന ചെയ്തിട്ടുള്ളതാണ്.
പർവതപ്രദേശങ്ങളിലും അതിശൈത്യ – ഉഷ്ണ കാലാവസ്ഥയിലും കാര്യക്ഷമമായി പ്രവർത്തിക്കാനാകുമെന്നതാണ് ഇതിന്റെ പ്രത്യേകത. ഇന്ത്യയുടെ പ്രതിരോധഘടനയെ ശക്തിപ്പെടുത്തുന്നതിൽ ബെമ്ൽ നിർണായകമായ പങ്കു വഹിക്കുന്നുണ്ടെന്നു ചെയർമാനും മാനേജിങ് ഡയറക്ടറുമായ ശന്തനു റോയ് പറഞ്ഞു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
