കുരുമുളക്, വെളിച്ചെണ്ണ വിലകളിൽ കുതിച്ചുകയറ്റം; അനക്കമില്ലാതെ റബർ, ഇഞ്ചിക്ക് തിരിച്ചടി, ഇന്നത്തെ അങ്ങാടി വില ഇങ്ങനെ | റബർ വില | ബിസിനസ് ന്യൂസ് | മനോരമ ഓൺലൈൻ ന്യൂസ് – Rubber price unchanged | Balck Pepper | Coconut Oil | Kerala Commodity Price

വിഷു, ഈസ്റ്റർ അവധിയാഘോഷങ്ങൾ കഴിഞ്ഞിട്ടും വിലവർധനയുടെ ആവേശം കൈവിടാതെ കുരുമുളകും വെളിച്ചെണ്ണയും. മികച്ച ഡിമാൻഡിന്റെ കരുത്തിൽ 72,000 രൂപയെന്ന റെക്കോർഡ് കഴിഞ്ഞദിവസം മറികടന്ന കുരുമുളക് അൺ-ഗാർബിൾഡ് വില വീണ്ടും കുതിക്കുകയാണ്. കൊച്ചി വിപണിയിൽ 200 രൂപ കൂടി വർധിച്ചു. വെളിച്ചെണ്ണ വിലയിൽ 100 രൂപയുടെ വർധനയുമുണ്ടായി.

കൽപറ്റ വിപണിയിൽ കാപ്പിക്കുരു വില മാറിയില്ല. അതേസമയം, ഇഞ്ചിവിലയിൽ 100 രൂപ ഇടിഞ്ഞു. കട്ടപ്പന മാർക്കറ്റിൽ കൊക്കോ, കൊക്കോ ഉണക്ക വിലകൾ മോശം നിലവാരത്തിൽ തന്നെ തുടരുന്നു. രാജ്യാന്തര വിപണിയിൽ റബർവില കരകയറ്റത്തിന്റെ സൂചന നൽകുന്നുണ്ടെങ്കിലും കേരളത്തിൽ ആ ആവേശം പ്രകടമല്ല.

സംസ്ഥാനത്ത് റബർവില മാറ്റമില്ലാതെ തുടരുന്നു. കേരളത്തിലെ വിവിധ കേന്ദ്രങ്ങളിലെ വിളകളുടെ ഇന്നത്തെ അങ്ങാടി വിലനിലവാരം താഴെ കാണുന്ന ചിത്രത്തിൽ ക്ലിക്ക് ചെയ്ത് സന്ദർശിച്ചു വായിക്കാം.