ഗൂഗിൾ ബുക്ക് ഹൈപ്പ് കുറയുന്നു: ആന്‍ഡ്രോയ്ഡ് ടാബ്‌ലെറ്റുകൾ എന്തുകൊണ്ട് മികച്ചതാകുന്നു

ഈ വർഷത്തെ ഐ/ഒ ഇവന്റിൽ ഗൂഗിൾ ബുക്ക് അവതരിപ്പിച്ചപ്പോൾ അതിശയിച്ച ആരാധകരിൽ ഒരാളായിരുന്നു ഞാൻ. കഴിഞ്ഞ വർഷം ഈ ആശയം ആദ്യമായി പുറത്തുവന്നതുമുതൽ ഞാൻ ഇതിനായി കാത്തിരിക്കുകയായിരുന്നു.

കഴിഞ്ഞ മാസം ആദ്യ ഘട്ട ഗൂഗിൾ ബുക്കുകൾ വിപണിയിൽ എത്തിയപ്പോൾ തന്നെ എന്റെ ആവേശം കുറയാൻ തുടങ്ങി.

യഥാർത്ഥ ലാപ്ടോപ്പിന് പകരമായി ഇതിന്റെ സാഭ്യത ഉപയോഗപ്പെടുത്തുന്നതിനേക്കാൾ ഉപരിയായി, ആർട്ടിഫിഷ്യൽ ഇന്റലിജൻസിന് വലിയ രീതിയിൽ ഗൂഗിൾ മുൻഗണന നൽകുന്നത് കൊണ്ടാണോ അതോ പ്രീമിയം വിഭാഗത്തിൽ വിപണനം ചെയ്യാൻ ശ്രമിക്കുന്നത് കൊണ്ടാണോ ഈ മാറ്റമെന്ന് എനിക്ക് ഉറപ്പില്ല. അതിലുപരി, സാംസങ് ഗാലക്സി ടാബ് എസ് 12 സീരീസ് പ്രഖ്യാപിച്ചതോടെ എന്റെ താല്പര്യം പൂർണ്ണമായും ഇല്ലാതായി.

പുതിയ ടാബ്‌ലെറ്റുകൾ കഴിഞ്ഞ വർഷത്തെ ടാബ് എസ് 11 അല്ലെങ്കിൽ ടാബ് എസ് 10 എന്നിവയുടെ പരിഷ്കരിച്ച രൂപങ്ങളാണ്. എങ്കിലും ഗൂഗിൾ ബുക്കുമായി താരതമ്യം ചെയ്യുമ്പോൾ ടാബ് എസ് 12 കൂടുതൽ അനുയോജ്യമായ ഓപ്ഷനായി മാറുന്നുണ്ടെന്ന് ദിവസങ്ങൾ കഴിയുന്തോറും വ്യക്തമാകുന്നു.

ഏതൊരു സമയത്തും എനിക്ക് ഗൂഗിൾ ബുക്കിനേക്കാൾ മികച്ചതായി തിരഞ്ഞെടുക്കാൻ തോന്നുത് ടാബ് എസ് 12 ആയിരിക്കും, നിങ്ങളും അതുതന്നെ ചെയ്യണം. ഗൂഗിൾ ബുക്കിന്റെ വരവിൽ ആവേശഭരിതരായ ആളുകളെ കുറ്റപ്പെടുത്താൻ എനിക്കാവില്ല.

ഒരു ആൻഡ്രോയ്ഡ് ഉപയോക്താവിനെ സംബന്ധിച്ചിടത്തോളം അത് സ്വാഭാവികമാണ്. എന്നാൽ ഈ ഗൂഗിൾ ബുക്കുകൾ സ്റ്റേജിൽ നിന്ന് വിപണിയിലെത്തിക്കഴിഞ്ഞപ്പോൾ, അവയെ ചുറ്റിപ്പറ്റിയുണ്ടായിരുന്ന ആകർഷണമെല്ലാം നഷ്ടപ്പെട്ടു.

ജെമിനി ഇന്റലിജൻസ് പോലുള്ള കാര്യങ്ങൾക്ക് ഗൂഗിൾ അനാവശ്യ പ്രാധാന്യം നൽകുന്നു എന്നതാണ് ഇതിന് കാരണമെന്ന് ഞാൻ കരുതുന്നു. തുടക്കത്തിൽ ഇത് നമ്മെ അത്ഭുതപ്പെടുത്തിയിരുന്നു.

മാജിക് പോയിന്റ് പോലുള്ള ഫീച്ചറുകളുടെ ഡെമോകൾ മികച്ചതും ആധുനികവുമായി തോന്നിയിരുന്നു. എന്നാൽ ഇപ്പോൾ, മറ്റ് പല എഐ യൂട്ടിലിറ്റികളെയും പോലെ ഇവയും വിസ്മൃതിയിലാകാനാണ് സാധ്യത.

റാംബ്ലർ അല്ലെങ്കിൽ സ്പാർക്ക് പോലുള്ള പ്രായോഗിക ടൂളുകൾ ഇപ്പോഴും ഇതിലുണ്ട്. മൊത്തത്തിൽ, ഗൂഗിൾ ഗൂഗിൾ ബുക്കുകൾ വിപണനം ചെയ്തത് തെറ്റായ രീതിയിലാണെന്ന് ഞാൻ കരുതുന്നു.

ഇത് അതിന്റെ ഭാവിയെക്കുറിച്ച് എന്നെ ആശങ്കപ്പെടുത്തുന്നു. ആൻഡ്രോയ്ഡും ജെമിനി ഇന്റലിജൻസും അടിസ്ഥാനമാക്കിയുള്ള പ്ലാറ്റ്‌ഫോമാണ് ഗൂഗിൾ ബുക്ക് ഒഎസ് എന്ന് ഗൂഗിൾ വ്യക്തമാക്കുന്നു.

ഒരു മാക്ബുക്കിനൊപ്പം ഐഫോൺ ഉപയോക്താവ് ആസ്വദിക്കുന്ന അതേ തടസ്സമില്ലാത്ത കണക്റ്റിവിറ്റി ആഗ്രഹിക്കുന്ന ആൻഡ്രോയ്ഡ് ഉപയോക്താക്കൾക്കായുള്ള പ്രധാന ലാപ്ടോപ്പായി ഗൂഗിൾ ബുക്കിനെ അവതരിപ്പിക്കാനാണ് ഗൂഗിൾ ആഗ്രഹിക്കുന്നത്. ഗൂഗിൾ ബുക്ക് ഒഎസ് നേറ്റീവ് ഇൻസ്റ്റലേഷൻ അല്ലെങ്കിൽ കാസ്റ്റിംഗ് വഴി പൂർണ്ണ ആൻഡ്രോയ്ഡ് ആപ്പ് പിന്തുണ നൽകുന്നു.

എന്നിരുന്നാലും ഇവിടെയാണ് ഒരു പ്രശ്നമുള്ളത്. എന്റെ പിക്സൽ അല്ലെങ്കിൽ ഗാലക്സി ഡിവൈസ് ഉപയോഗിച്ച് ഫോൺ ലിങ്ക് വഴി വിൻഡോസ് കമ്പ്യൂട്ടറിൽ എനിക്ക് ഇതേ കാര്യങ്ങൾ ചെയ്യാനാകും.

സാംസങ് ലാപ്ടോപ്പും ഗാലക്സി ഫോണും ജോടിയാക്കുകയാണെങ്കിൽ ഇത് കൂടുതൽ മികച്ച രീതിയിൽ നടക്കും. ഒരു ആൻഡ്രോയ്ഡ് ടാബ്‌ലെറ്റ് ഉപയോഗിക്കുമ്പോഴും ഇതുതന്നെയാണ് അവസ്ഥ.

മിഡ്-റേഞ്ച് ചിപ്‌സെറ്റിൽ പ്രവർത്തിക്കുകയും എക്സ്‌ടേണൽ മോണിറ്ററുകൾക്കായുള്ള ഡിഎക്സ് മോഡ് ഇല്ലെങ്കിലും, വലിയ സ്‌ക്രീനുകളുള്ള ആൻഡ്രോയ്ഡ് ടാബ്‌ലെറ്റുകൾ എത്രത്തോളം പക്വത പ്രാപിച്ചിരിക്കുന്നു എന്ന് എന്റെ ഗാലക്സി ടാബ് എസ് 10 എഫ്ഇ തെളിയിക്കുന്നു. ഒരു കീബോർഡ് ഫോളിയോ കേസ് ഘടിപ്പിക്കുകയോ മൗസ് വയർലെസ് ആയി കണക്റ്റ് ചെയ്യുകയോ ചെയ്താൽ, നിങ്ങൾക്ക് കാര്യക്ഷമമായ ഒരു പോർട്ടബിൾ പിസി വർക്ക്സ്റ്റേഷൻ ലഭിക്കും.

ഗാലക്സി ടാബ് എസ് 12 പ്ലസ്, അൾട്രാ എന്നിവയിലൂടെ രണ്ട് ഫോം ഫാക്ടറുകൾക്കിടയിലുള്ള വിടവ് നികത്താൻ സാംസങ് കൂടുതൽ മികച്ചൊരു ഫ്ലാഗ്ഷിപ്പ് ആൻഡ്രോയ്ഡ് സ്ലേറ്റ് നിർമ്മിച്ചിട്ടുണ്ട്. നിങ്ങൾ പഴയൊരു ടാബ്‌ലെറ്റോ ലാപ്ടോപ്പോ ക്രോംബുക്കോ ആണ് അപ്‌ഗ്രേഡ് ചെയ്യുന്നതെങ്കിൽ, ടാബ് എസ് 12 നിസ്സംശയമായും അനുഭവത്തിൽ വലിയൊരു മുന്നേറ്റമാണ്.

ഒരു നല്ല ലാപ്ടോപ്പ് ബദലായി മാറ്റാൻ നിങ്ങൾക്ക് സാധാരണ പെരിഫറലുകൾ മാത്രം മതിയാകും. നല്ലൊരു സെറ്റ് ആക്‌സസറികൾ ലഭിക്കാൻ നിങ്ങൾ 100 ഡോളറിലധികം ചെലവഴിക്കേണ്ടതില്ല.

നിങ്ങൾ ഒരു ആർട്ടിസ്റ്റോ പവർ യൂസറോ ആണെങ്കിൽ, ഗൂഗിൾ ബുക്കിന് നൽകാൻ കഴിയാത്ത പ്രീമിയം ഒഎൽഇഡി ഡിസ്പ്ലേയിൽ കൃത്യമായ ഡ്രോയിംഗ് പ്രകടനം നൽകാൻ ഗാലക്സി ടാബ് എസ് 12 ലെ എസ് പെൻ സഹായിക്കുന്നു. ഗൂഗിൾ ബുക്കിൽ കണക്റ്റിവിറ്റി ഒരു പ്രധാന വിൽപ്പന കേന്ദ്രമായി ഗൂഗിൾ അവതരിപ്പിക്കുന്നുണ്ടെങ്കിലും വർഷങ്ങൾക്ക് മുമ്പ് പരിഹരിക്കപ്പെട്ട

ഒരു പ്രശ്നമാണിത്. ഗാലക്സി ടാബ് എസ് 12 ഒരേ ടേബിളിൽ വെച്ച് ഗാലക്സി ഫോണുമായി ജോടിയാക്കിയാൽ നിങ്ങൾക്ക് അതേ കണക്റ്റിവിറ്റി അനുഭവം ലഭിക്കും.

സാംസങ് ബ്രൗസറിനും നോട്ട്സിനുമുള്ള കണക്റ്റിവിറ്റി സാംസങ് വളരെക്കാലമായി അനുവദിക്കുന്നുണ്ട്. ഗൂഗിൾ ബുക്കിലെ ഡെസ്ക്ടോപ്പ് അനുഭവത്തെക്കുറിച്ച് പറയുകയാണെങ്കിൽ, എപ്പോഴും പ്രവർത്തിക്കുന്ന ഡെസ്ക്ടോപ്പ് എൻവയോൺമെന്റിൽ പ്രവർത്തിക്കാൻ ഗൂഗിൾ ബുക്ക് അനുവദിക്കുന്നുണ്ടെങ്കിലും ആപ്പ് തിരഞ്ഞെടുപ്പ് എന്നെ മാറ്റി ചിന്തിപ്പിക്കാൻ മാത്രം പര്യാപ്തമാണോ എന്ന് എനിക്ക് സംശയമുണ്ട്.

സാംസങ് ഡെഎക്സ് ആണ് ഗാലക്സി ഡിവൈസിൽ ഡെസ്ക്ടോപ്പ് അനുഭവം നേടാനുള്ള കൂടുതൽ പ്രായോഗിക മാർഗ്ഗം. ക്രോംബുക്കുകൾക്കും ആൻഡ്രോയ്ഡ് ടാബ്‌ലെറ്റുകൾക്കുമുള്ള ഒരു ഓപ്ഷനായി ഗൂഗിൾ ബുക്ക് അവതരിപ്പിച്ചതിൽ എനിക്ക് സന്തോഷമുണ്ട്.

വിശാലമായ ഹാർഡ്‌വെയർ മത്സരം ഉണ്ടാകുന്നത് ഉപയോക്താക്കൾക്ക് എപ്പോഴും നേട്ടമാണ്. എന്നാൽ മിഡ്-ടയർ ലാപ്ടോപ്പുകളേക്കാളും ടാബ്‌ലെറ്റുകളേക്കാളും വിലകൂടുതലുള്ളപ്പോൾ ഗൂഗിൾ ബുക്കിനെ പ്രശംസിക്കുക ബുദ്ധിമുട്ടാണ്.