ഫാറ്റി ലിവർ പ്രതിരോധിക്കാൻ ഡീറ്റൊക്സ് ഭക്ഷണങ്ങൾ; ആരോഗ്യകരമായ കരളിനായി ശീലമാക്കേണ്ടവ

ആധുനിക കാലത്തെ മാറിക്കൊണ്ടിരിക്കുന്ന ജീവിതശൈലിയും അനാരോഗ്യകരമായ ഭക്ഷണക്രമവും കാരണം സമൂഹത്തിൽ ഫാറ്റി ലിവർ (കരലിൽ കൊഴുപ്പ് അടിയുന്ന അവസ്ഥ) രോഗബാധിതരുടെ എണ്ണം ആശങ്കാജനകമാംവിധം വർധിച്ചുകൊണ്ടിരിക്കുകയാണ്. മദ്യപാനം മൂലമുണ്ടാകുന്ന ലിവർ പ്രശ്നങ്ങളും, മദ്യപാനവുമായി ബന്ധമില്ലാത്ത ഫാറ്റി ലിവർ അവസ്ഥകളും ഇതിൽ ഉൾപ്പെടുന്നു.

ശരീരഭാരം അമിതമാവുക, പഞ്ചസാരയുടെയും സംസ്കരിച്ച ഭക്ഷണങ്ങളുടെയും അമിതോപയോഗം, വ്യായാമമില്ലായ്മ, അമിത മദ്യപാനം എന്നിവയാണ് കരലിൽ കൊഴുപ്പ് അടിയുന്നതിനുള്ള പ്രധാന കാരണങ്ങൾ. ഇതോടൊപ്പം പ്രമേഹം, ഉയർന്ന കൊളസ്ട്രോൾ, ചിലതരം ഔഷധങ്ങളുടെ നിരന്തരമായ ഉപയോഗം എന്നിവയും രോഗസാധ്യത വർധിപ്പിക്കുന്നുണ്ട്.

എന്നിരുന്നാലും, രോഗത്തിന്റെ പ്രാരംഭ ഘട്ടത്തിൽ തന്നെ ഭക്ഷണക്രമത്തിലും ജീവിതശൈലിയിലും ജാഗ്രതയോടെയുള്ള മാറ്റങ്ങൾ വരുത്തിയാൽ ഈ അവസ്ഥയെ സ്വാഭാവികമായി പ്രതിരോധിക്കാൻ സാധിക്കും. കരളിന്റെ ആരോഗ്യം സംരക്ഷിക്കാനും ഫാറ്റി ലിവർ സാധ്യത ലഘുവരിക്കാനും ഡീറ്റൊക്സ് ഡയറ്റിൽ ഉൾപ്പെടുത്തേണ്ട

പ്രധാന ആഹാരങ്ങൾ താഴെ പറയുന്നവയാണ്: ബ്ലാക്ക് കോഫി: പഞ്ചസാരയോ പാലോ ചേർക്കാതെ തയാറാക്കുന്ന ബ്ലാക്ക് കോഫി കരൾ എൻസൈമുകളെ സാധാരണ നിലയിലാക്കാൻ സഹായിക്കുന്നു. കൂടാതെ, കരൾ ഫൈബ്രോസിസ് (liver fibrosis), കൊഴുപ്പ് അടിഞ്ഞുകൂടൽ എന്നിവയ്ക്കുള്ള സാധ്യത കുറയ്ക്കാനും ഇത് ഫലപ്രദമാണ്.

ഇലക്കറികൾ: ചീര ഉൾപ്പെടെയുള്ള ഇലക്കറികളിൽ ക്ലോറോഫിൽ, വിറ്റാമിൻ കെ, ഗ്ലൂട്ടത്തയോൺ (glutathione) തുടങ്ങിയ ശക്തമായ ആന്റിഓക്‌സിഡന്റുകൾ ഉയർന്ന അളവിൽ അടങ്ങിയിരിക്കുന്നു. ഇവ കരളിന്റെ സ്വാഭാവിക വിഷാംശം നീക്കം ചെയ്യൽ പ്രക്രിയകളെ സുഗമമാക്കുന്നു.

എക്സ്ട്രാ വെർജിൻ ഒലീവ് ഓയിൽ: മോണോഅൺസാച്ചുറേറ്റഡ് കൊഴുപ്പുകളും പോളിഫെനോളുകളും ധാരാളമായി അടങ്ങിയ എക്സ്ട്രാ വെർജിൻ ഒലീവ് ഓയിൽ, ഫാറ്റി ലിവർ (കരലിൽ കൊഴുപ്പ് അടിയുന്ന അവസ്ഥ) ഉള്ളവരിൽ കരലിലെ കൊഴുപ്പിന്റെ അളവ് കുറയ്ക്കാനും എൻസൈമുകളുടെ പ്രവർത്തനം മെച്ചപ്പെടുത്താനും ഏറെ സഹായിക്കുന്നു. ഒമേഗ-3 ഫാറ്റി ആസിഡ് അടങ്ങിയ മത്സ്യങ്ങൾ: സാൽമൺ, മത്തി, ട്യൂണ തുടങ്ങിയ മത്സ്യങ്ങൾ ഒമേഗ-3 ഫാറ്റി ആസിഡുകളുടെ മികച്ച ഉറവിടങ്ങളാണ്.

ശരീരത്തിലെ വീക്കം കുറയ്ക്കാനും കരൾ കോശങ്ങളിൽ അമിതമായി കൊഴുപ്പ് അടിഞ്ഞുകൂടുന്നത് തടയാനും ഇവ സഹായിക്കുന്നു. നട്സും സീഡുകളും: വാൾനട്ട്, ബദാം, ഫ്ലാക്‌സ് സീഡുകൾ, ചിയ സീഡ് എന്നിവയിൽ വിറ്റാമിൻ ഇ, നാരുകൾ, ആരോഗ്യകരമായ സസ്യജന്യ കൊഴുപ്പുകൾ എന്നിവ അടങ്ങിയിട്ടുണ്ട്.

ഇത്തരം ആഹാരക്രമങ്ങൾ കരൾ രോഗങ്ങൾ വരാനുള്ള സാധ്യത ഗണ്യമായി കുറയ്ക്കുന്നു. പയർവർഗ്ഗങ്ങൾ: നാരുകളും സസ്യജന്യ പ്രോട്ടീനും ധാരാളമടങ്ങിയ പയർവർഗ്ഗങ്ങൾ രക്തത്തിലെ പഞ്ചസാരയുടെയും ട്രൈഗ്ലിസറൈഡുകളുടെയും അളവ് കൃത്യമായി നിയന്ത്രിക്കാൻ സഹായിക്കുന്നു.

ഇത് വഴി കരൾ രോഗങ്ങൾക്കുള്ള സാധ്യതയും തടയാനാകും. പഴവർഗ്ഗങ്ങൾ: ബെറികൾ, മുന്തിരി, സിട്രസ് പഴങ്ങൾ എന്നിവയിൽ ശക്തമായ ആന്റിഓക്‌സിഡന്റുകളും പോളിഫെനോളുകളും അടങ്ങിയിരിക്കുന്നു.

ഇവ കരൾ കോശങ്ങളെ വിവിധ തരം കേടുപാടുകളിൽ നിന്ന് സംരക്ഷിക്കുന്നതിൽ നിർണായക പങ്ക് വഹിക്കുന്നു.