സംസ്ഥാനത്ത് വലിയ കോലാഹലത്തിന് വഴിവെച്ച പരീക്ഷാത്തട്ടിപ്പുകേസില്‍ കടുത്ത നിയമനടപടികളുമായി അന്വേഷണ സംഘം രംഗത്ത്. ഫിഷറീസ് എക്‌സ്റ്റന്‍ഷന്‍ ഓഫിസര്‍ തസ്തികയിലേക്കു നടന്ന പരീക്ഷയില്‍ വ്യാപക ക്രമക്കേടു നടന്നുവെന്ന പരാതിയിലാണ് കേരള പബ്ലിക് സർവീസ് കമ്മീഷൻ (പിഎസ്‌സി) ചെയര്‍മാന്‍ എം.ആര്‍.ബൈജുവിനും മറ്റ് അംഗങ്ങള്‍ക്കും എതിരെ ക്രൈംബ്രാഞ്ച് എഫ്‌ഐആര്‍ റജിസ്റ്റർ ചെയ്തത്.
കുറ്റം തെളിഞ്ഞാല്‍ പത്തു വര്‍ഷം വരെ തടവുശിക്ഷ ലഭിക്കാവുന്ന തരത്തിലുള്ള അതീവ ഗൗരവമുള്ള വകുപ്പുകളാണ് ഇവര്‍ക്കെതിരെ ചുമത്തിയിട്ടുള്ളത്. നേമം സ്വദേശി സമര്‍പ്പിച്ച പരാതിയുടെ അടിസ്ഥാനത്തിലാണ് അഴിമതി നിരോധന നിയമത്തിലെ 7, 13(1)(എ) വകുപ്പുകളും ഇന്ത്യന്‍ ശിക്ഷാ നിയമത്തിലെ (ഐപിസി) 409-ാം വകുപ്പും ഉള്‍പ്പെടുത്തി കേസെടുത്തിരിക്കുന്നത്.
കുഫോസില്‍ നടന്ന ഫിഷറീസ് എക്‌സ്റ്റന്‍ഷന്‍ ഓഫിസര്‍ പരീക്ഷയില്‍ കൃത്രിമം കാണിച്ച് പിഎസ്‌സി ചെയര്‍മാനും അംഗങ്ങളും സിപിഎം അനുഭാവികളായ ഉദ്യോഗസ്ഥര്‍ക്കും തങ്ങളുടെ ഇഷ്ടക്കാര്‍ക്കും അനര്‍ഹമായ രീതിയില്‍ റാങ്ക് നല്‍കിയെന്നാണ് എഫ്‌ഐആറിലെ പ്രധാന കണ്ടെത്തല്‍. ഇതുമൂലം അര്‍ഹതപ്പെട്ട
യോഗ്യരായ ഒട്ടനവധി ഉദ്യോഗാര്‍ഥികള്‍ക്ക് ലഭിക്കേണ്ടിയിരുന്ന അവിസ്മരണീയമായ നിയമന അവസരമാണ് നഷ്ടമായത്. പ്രതികള്‍ ഔദ്യോഗിക പദവി ദുരുപയോഗം ചെയ്ത് അന്യായമായ നേട്ടങ്ങളുണ്ടാക്കിയെന്നും രേഖകളില്‍ വ്യക്തമാക്കുന്നു.
ഇതിനു പുറമെ, പെരുമ്പാവൂര്‍ സ്വദേശി നല്‍കിയ മറ്റൊരു പരാതിയുടെ അടിസ്ഥാനത്തില്‍ അസിസ്റ്റന്റ് മോട്ടര്‍ വെഹിക്കിള്‍ ഇന്‍സ്‌പെക്ടര്‍ (എംവിഐ) പരീക്ഷയിലെ ക്രമക്കേടുകളിലും പിഎസ്‌സി അംഗങ്ങള്‍ക്കെതിരെ ക്രൈംബ്രാഞ്ച് കേസ് റജിസ്റ്റര്‍ ചെയ്തിട്ടുണ്ട്. ശാരീരിക യോഗ്യത ഇല്ലാത്തവര്‍ക്കുകൂടി അപേക്ഷിക്കാന്‍ സാധിക്കും വിധം വിജ്ഞാപനത്തില്‍ നിഷ്‌കര്‍ഷിച്ചിരുന്ന വിദ്യാഭ്യാസ യോഗ്യത കൂടാതെ മറ്റു രണ്ടു കോഴ്‌സുകള്‍ കൂടി തിരുകിക്കയറ്റുകയായിരുന്നു.
മാത്രമല്ല, രണ്ട് ഓണ്‍ലൈന്‍ വെബ്‌സൈറ്റുകളില്‍നിന്ന് 45 ചോദ്യങ്ങള്‍ അതേപടി കോപ്പി അടിച്ചാണ് ചോദ്യപേപ്പര്‍ തയാറാക്കിയതെന്നും എഫ്‌ഐആറില്‍ ചൂണ്ടിക്കാണിക്കുന്നു. യോഗ്യതയില്ലാത്ത ഉദ്യോഗാര്‍ഥികള്‍ക്ക് അനധികൃതമായി നിയമനങ്ങള്‍ നല്‍കി വലിയ തോതിലുള്ള അന്യായ ലാഭം ഉണ്ടാക്കിയതായും ക്രൈംബ്രാഞ്ച് വ്യക്തമാക്കുന്നു.
അതിനിടെ, ക്രൈംബ്രാഞ്ചിന്റെ ചോദ്യം ചെയ്യലില്‍ പരസ്പരം പഴിചാരി രക്ഷപ്പെടാനാണ് ചെയര്‍മാനും അംഗങ്ങളും ശ്രമിക്കുന്നത്. ചെയര്‍മാന്‍ സ്വന്തം താല്‍പ്പര്യപ്രകാരം വിശ്വസ്തരായ ചില ഉദ്യോഗസ്ഥരെ മാത്രം ഒപ്പം കൂട്ടി ഏകപക്ഷീയമായാണ് പ്രധാന തീരുമാനങ്ങളെല്ലാം കൈക്കൊണ്ടിരുന്നതെന്നാണ് ചില അംഗങ്ങള്‍ മൊഴി നല്‍കിയിട്ടുള്ളത്.
എന്നാല്‍ ഇതിന് വിരുദ്ധമായി, സെക്രട്ടറിയുടെ തലയില്‍ ഉത്തരവാദിത്വം കെട്ടിവെച്ചുള്ള മൊഴിയാണ് ചെയര്‍മാന്‍ നല്‍കിയിരിക്കുന്നത്. പരാതികള്‍ സൂക്ഷ്മമായി പരിശോധിക്കേണ്ടിയിരുന്നത് സെക്രട്ടറിയാണെന്നും, വിഷയം പിന്നീട് കോടതിയുടെ പരിഗണനയിലേക്ക് എത്തിയതുകൊണ്ടാണ് താന്‍ നേരിട്ട് നടപടികള്‍ സ്വീകരിക്കാതിരുന്നതെന്നുമാണ് ചെയര്‍മാന്റെ വിശദീകരണം.
കേസില്‍ പിഎസ്‌സി സെക്രട്ടറി സാജു ജോര്‍ജ്ജിനെയും ചോദ്യം ചെയ്യുകയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
