ആമാശയത്തിലെ ആസിഡിന്റെ അമിത ഉത്പാദനം മൂലമുണ്ടാകുന്ന ആരോഗ്യപ്രശ്നമാണ് അസിഡിറ്റി. ഇത് പലപ്പോഴും നെഞ്ചിൽ എരിച്ചിൽ, പുളിച്ചുതികട്ടൽ, ദഹനക്കേട് തുടങ്ങിയ അസ്വസ്ഥതകൾക്ക് കാരണമാകാറുണ്ട്.
എരിവുള്ളതോ കൊഴുപ്പടങ്ങിയതോ ആയ ഭക്ഷണങ്ങൾ, കഫീൻ അടങ്ങിയ പാനീയങ്ങൾ, മദ്യം, മാനസിക സമ്മർദ്ദം, ഭക്ഷണം കഴിച്ച ഉടൻ കിടക്കുന്ന ശീലം എന്നിവയെല്ലാം ഈ അവസ്ഥയ്ക്ക് പ്രധാന കാരണങ്ങളാണ്. അസിഡിറ്റി പ്രശ്നങ്ങൾക്ക് വീട്ടിലിരുന്ന് തന്നെ പരിഹാരം കാണാൻ സഹായിക്കുന്ന ചില പ്രകൃതിദത്ത ഭക്ഷണങ്ങളെക്കുറിച്ചറിയാം.
വയറിന് പെട്ടെന്ന് ആശ്വാസം നൽകാൻ ഇഞ്ചിക്ക് സാധിക്കും. ഇതിൽ അടങ്ങിയിരിക്കുന്ന ‘ജിഞ്ചറോൾ’ എന്ന ഘടകത്തിന് സ്വാഭാവികമായ വീക്കം കുറയ്ക്കാനുള്ള ഗുണങ്ങളുണ്ട്.
ഇത് ദഹനപ്രക്രിയ വേഗത്തിലാക്കാനും സഹായിക്കുന്നു. ദിവസവും രാവിലെ ഒരു ഗ്ലാസ് ഇഞ്ചി ചായ കുടിക്കുന്നത് അസിഡിറ്റിയിൽ നിന്ന് ആശ്വാസം ലഭിക്കാൻ സഹായിക്കും.
പ്രോബയോട്ടിക് ഗുണങ്ങളാൽ സമൃദ്ധമായ മോര് അസിഡിറ്റി പ്രതിരോധിക്കാൻ മികച്ചതാണ്. ലാക്റ്റിക് ആസിഡ് അടങ്ങിയ ഒരു ഗ്ലാസ് മോര് വയറ്റിലെ അസിഡിറ്റിയുടെ അളവ് ക്രമീകരിക്കാൻ സഹായിക്കുന്നു.
ദഹന എൻസൈമുകളുടെ പ്രവർത്തനം മെച്ചപ്പെടുത്തുന്നതിനായി, അല്പം വറുത്തുപൊടിച്ച ജീരകം കൂടി ഇതിൽ ചേർക്കുന്നത് കൂടുതൽ ഗുണകരമായിരിക്കും. ഭക്ഷണം കഴിച്ചതിന് ശേഷം പെരുംജീരകം ചവയ്ക്കുന്നത് ആരോഗ്യത്തിന് ഏറെ നല്ലതാണ്.
വയറുനിറയെ ഭക്ഷണം കഴിച്ച ശേഷം അര ടീസ്പൂൺ പെരുംജീരകം ചവച്ചുകഴിക്കുന്നത് ‘അനെത്തോൾ’ എന്ന ഘടകം പുറത്തുവിടാൻ സഹായിക്കുന്നു. ഇത് വയറ്റിലെ പേശികൾക്ക് അയവ് നൽകുകയും, വയറുവീർക്കൽ കുറയ്ക്കുകയും, ആസിഡ് റിഫ്ലക്സ് തടയുകയും ചെയ്യുന്നു.
കൂടാതെ, ചതച്ച പെരുംജീരകം അഞ്ച് മിനിറ്റോളം ചൂടുവെള്ളത്തിലിട്ട് പെരുംജീരക ചായ ആയും ഉപയോഗിക്കാവുന്നതാണ്. ഈ പാനീയം വയറിന് ആശ്വാസം നൽകുന്നതിനൊപ്പം വായയിലെ ദുർഗന്ധം അകറ്റി ശ്വാസത്തിന് ഉന്മേഷം നൽകുകയും ചെയ്യും.
പഴുത്ത വാഴപ്പഴം പൊട്ടാസ്യം ധാരാളമായി അടങ്ങിയിട്ടുള്ള ഒന്നാണ്. ഇവ ആമാശയത്തിലെ അസിഡിറ്റിക്കെതിരെ ഒരു സ്വാഭാവിക പ്രതിരോധമായി പ്രവർത്തിക്കുന്നു.
പ്രധാന ഭക്ഷണത്തിന് മുൻപായി ഒരു പഴം കഴിക്കുന്നത് ആരോഗ്യപരമായി ഗുണകരമാണ്. ശരീരത്തിന് ആവശ്യമായ ജലാംശം നൽകുന്ന മികച്ചൊരു പാനീയമാണ് കരിക്കിൻ വെള്ളം.
ദഹനവ്യവസ്ഥയെ തണുപ്പിക്കാൻ ഇത് ഏറെ മികച്ചതാണ്. ഇതിലുള്ള ഇലക്ട്രോലൈറ്റുകൾ ശരീരത്തിലെ pH നില കൃത്യമായി നിലനിർത്താൻ സഹായിക്കുന്നു.
ഇത് അസിഡിറ്റി കുറയ്ക്കാൻ കാര്യമായി ഉപകരിക്കും. ഭക്ഷണം കഴിച്ചതിനുശേഷം വയർ വീർത്തതായോ ഭാരമുള്ളതായോ അനുഭവപ്പെടുന്നുണ്ടെങ്കിൽ അര ടീസ്പൂൺ അയമോദകം ഒരു ഗ്ലാസ് ഇളം ചൂടുവെള്ളത്തോടൊപ്പം ചവച്ചുകഴിക്കുന്നത് ഗുണം ചെയ്യും.
ഇതിലടങ്ങിയിരിക്കുന്ന ‘തൈമോൾ’ (thymol) എന്ന ഘടകം, ദഹനത്തിന് സഹായിക്കുന്ന ഗ്യാസ്ട്രിക് നീരുകളുടെ ഉൽപ്പാദനം വർദ്ധിപ്പിക്കാൻ സഹായിക്കുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
