റിസർവ് ബാങ്ക് ഇടപെടൽ ഫലം കണ്ടു; ഡോളറിനെതിരെ രൂപയുടെ മൂല്യത്തിൽ ശക്തമായ മുന്നേറ്റം

റിസർവ് ബാങ്ക് ഓഫ് ഇന്ത്യയുടെ (RBI) കടുത്ത വിപണി ഇടപെടലുകളെ തുടർന്ന് കാലങ്ങളായി നേരിട്ട തകർച്ചയ്ക്ക് ശേഷം ഇന്ത്യൻ രൂപയ്ക്ക് വൻ തിരിച്ചുവരവ്.

തിങ്കളാഴ്ച നടന്ന വ്യാപാരത്തിൽ ഡോളറിനെതിരെ രൂപയുടെ മൂല്യത്തിൽ വലിയ കുതിപ്പാണ് രേഖപ്പെടുത്തിയത്. കഴിഞ്ഞ വെള്ളിയാഴ്ച ഡോളറിനെതിരെ 97ന് അടുത്തുവരെ താഴ്ന്ന മൂല്യം, ഒറ്റയടിക്ക് 1% ഉയർന്ന് 95.75ൽ എത്തിനിൽക്കുന്നു.

കഴിഞ്ഞ ഏപ്രിലിന് ശേഷമുള്ള രൂപയുടെ ഏറ്റവും വലിയ ഏകദിന മുന്നേറ്റമാണിത്. ഈ വർഷം ദക്ഷിണ-കിഴക്കനേഷ്യൻ മേഖലയിൽ ഏറ്റവുമധികം മൂല്യത്തകർച്ച നേരിട്ട

കറൻസികളിലൊന്നാണ് ഇന്ത്യൻ രൂപ, ഏകദേശം 7 ശതമാനത്തോളമാണ് മൂല്യം ഇടിഞ്ഞത്. ഈ സാഹചര്യത്തിലാണ് കഴിഞ്ഞ ശനിയാഴ്ച കേന്ദ്ര ബാങ്ക് അടിയന്തരമായി ശക്തമായ നിയന്ത്രണ നടപടികൾ പ്രഖ്യാപിച്ചത്.

വിദേശ വ്യാപാര ഇടപാടുകളിൽ രൂപയെ മുൻനിർത്തി നടക്കുന്ന ഊഹക്കച്ചവടങ്ങൾക്ക് തടയിടുക എന്ന ലക്ഷ്യത്തോടെയാണ് ഈ നീക്കം നടപ്പിലാക്കിയത്. നിലവിലെ സംഭവവികാസങ്ങൾ രാജ്യത്തെ നിക്ഷേപകർക്ക് വലിയ ആത്മവിശ്വാസമാണ് നൽകുന്നത്.

വരും ദിവസങ്ങളിൽ രൂപയുടെ മൂല്യം ഡോളറിനെതിരെ 94-95 നിലവാരത്തിലേക്ക് എത്തുമെന്നാണ് സാമ്പത്തിക വിദഗ്ധരുടെ വിലയിരുത്തൽ. ആർബിഐ സ്വീകരിച്ച പ്രധാന നടപടികളും വിപണിയിലെ സ്വാധീനവും 1.

ഹെഡ്ജിങ് ഡീലുകൾ പെട്ടെന്ന് റദ്ദാക്കുന്നതിന് നിയന്ത്രണം
കറൻസി മൂല്യത്തിലുണ്ടാകുന്ന വ്യതിയാനങ്ങൾ മൂലം വ്യാപാർക്ക് ഉണ്ടാകുന്ന നഷ്ടം ഒഴിവാക്കാനാണ് സാധാരണയായി ‘ഹെഡ്ജിങ്’ ഉപയോഗിക്കുന്നത്. ഒരു നിശ്ചിത മൂല്യം മുൻകൂട്ടി ഉറപ്പിച്ച് കരാറുകളിൽ ഏർപ്പെടുന്ന രീതിയാണിത്.

എന്നാൽ വൻ ലാഭം ലക്ഷ്യമിട്ട് ചിലർ വലിയ തുകയുടെ ഹെഡ്ജിങ് ഡീലുകൾ പൊടുന്നനെ റദ്ദാക്കി പുതിയ കരാറുകൾ തേടുന്ന പതിവുണ്ടായിരുന്നു. ഇത് തടയാൻ ആർബിഐ കർശന നടപടി സ്വീകരിച്ചു.

പെട്ടെന്ന് കരാറുകൾ മാറ്റിമറിക്കുന്നത് വഴി വിപണിയിൽ ഡോളർ വലിയ തോതിൽ വാങ്ങിക്കൂട്ടുന്നത് ഒഴിവാക്കാൻ ഇതിലൂടെ സാധിച്ചു, ഇത് രൂപയുടെ തിരിച്ചുകയറ്റത്തിന് ആക്കം കൂട്ടി. 2.

ഡോളർ ഇടപാടുകൾക്ക് ഉയർന്ന കരുതൽ ധനം
രൂപ അധിഷ്ഠിത വിദേശ കറൻസി റിസ്ക് റിസർവ് (FERR) വർധിപ്പിച്ചതാണ് മറ്റൊരു സുപ്രധാന തീരുമാനം. ഇനിമുതൽ 20 ലക്ഷം ഡോളറിനുമേലുള്ള ഇടപാടുകൾക്ക് 20% തുക കരുതൽ ധനമായി മാറ്റിവെക്കണം.

ബാങ്കുകളുടെ പ്രവർത്തനച്ചെലവ് ഉയർത്തുന്ന ഈ തീരുമാനം വിപണിയിൽ ഡോളറിനുള്ള അമിത ആവശ്യകത കുറയ്ക്കുകയും രൂപയുടെ മൂല്യം വർദ്ധിപ്പിക്കാൻ സഹായിക്കുകയും ചെയ്യും. 3.

എണ്ണ ഇറക്കുമതിക്കായി പ്രത്യേക ഡോളർ ജാലകം
പൊതുമേഖലാ എണ്ണക്കമ്പനികളായ ഇന്ത്യൻ ഓയിൽ, ബിപിസിഎൽ, എച്ച്പിസിഎൽ എന്നിവയ്ക്ക് ക്രൂഡ് ഓയിൽ ഇറക്കുമതിക്ക് ആവശ്യമായ ഡോളർ ലഭ്യമാക്കാൻ പ്രത്യേക സൗകര്യം ഒരുക്കി. ഇത് പൊതുവിപണിയിൽ നിന്ന് കമ്പനികൾ വലിയതോതിൽ ഡോളർ വാങ്ങി കൂട്ടുന്നത് തടയാനും അതുവഴി രൂപയുടെ മൂല്യത്തകർച്ച പ്രതിരോധിക്കാനും സഹായിച്ചു.

4. ബാങ്കുകളുടെ കരുതൽ അനുപാതം ഉയർത്തി
ബാങ്കുകളുടെ പ്രതിദിന കരുതൽ ധന അനുപാതത്തിന്റെ (CRR) പരിധി 90 ശതമാനത്തിൽ നിന്നും 99 ശതമാനമാക്കി ഉയർത്തി.

ഈ നടപടി പൊതുവിപണിയിലെ അനാവശ്യ പണലഭ്യത നിയന്ത്രിക്കുകയും ഊഹക്കച്ചവടങ്ങളെ ഫലപ്രദമായി ചെറുക്കുകയും ചെയ്യുന്നുണ്ട്. 5.

സർക്കാർ ബോണ്ടുകളുടെ വിൽപന
25,000 കോടി രൂപയുടെ സർക്കാർ ബോണ്ടുകൾ വിറ്റഴിക്കാൻ എടുത്ത തീരുമാനവും വിപണിയിൽ നിർണായകമായി. ഇത് ബോണ്ട് വില കുറയാനും ബോണ്ട് യീൽഡ് വർധിക്കാനും ഇടയാക്കി.

10-വർഷ ട്രഷറി യീൽഡ് 7.29 ശതമാനത്തിൽ നിന്ന് 7.35 ശതമാനമായി ഉയർന്നു. ബോണ്ട് യീൽഡ് ഉയരുന്നത് ഇന്ത്യൻ കറൻസിക്ക് അനുകൂലമായ ഘടകമാണ്.

പ്രവാസികൾക്കും സഞ്ചാരികൾക്കും ഈ മാറ്റം എങ്ങനെ ബാധിക്കുന്നു? രൂപയുടെ മൂല്യം ഉയരുന്നത് വിദേശത്ത് ജോലി ചെയ്യുന്ന പ്രവാസികൾക്ക് തിരിച്ചടിയാണ്. നാട്ടിലേക്ക് അയക്കുന്ന പണത്തിന്റെ അളവിൽ കുറവുണ്ടാകും.

ഉദാഹരണത്തിന്, കഴിഞ്ഞയാഴ്ച ഒരു ഡോളർ അയക്കുമ്പോൾ 96.5 രൂപ ലഭിച്ചിരുന്ന സ്ഥാനത്ത് ഇപ്പോഴത് 95.75 രൂപയായി കുറഞ്ഞു. അതായത് നേരത്തെ 1000 ഡോളർ അയച്ചാൽ 96,500 രൂപ ലഭിച്ചിരുന്നെങ്കിൽ ഇപ്പോൾ അത് 95,750 രൂപയായി ചുരുങ്ങി (750 രൂപയുടെ വ്യത്യാസം).

കയറ്റുമതി മേഖലയിലുള്ള കമ്പനികൾക്കും ഈ മുന്നേറ്റം അത്ര അനുകൂലമല്ല. മറുവശത്ത്, ഇറക്കുമതി രംഗത്ത് പ്രവർത്തിക്കുന്നവർക്ക് രൂപയുടെ കരുത്ത് വലിയ നേട്ടമാണ്.

കുറഞ്ഞ ചെലവിൽ സാധനങ്ങൾ ഇറക്കുമതി ചെയ്യാൻ സാധിക്കും. കൂടാതെ, വിദേശ യാത്രകൾ നടത്തുന്നവർക്കും ഉപരിപഠനത്തിനായി വിദേശത്തേക്ക് പോകുന്ന വിദ്യാർത്ഥികൾക്കും കറൻസി ശക്തിയാർജിക്കുന്നത് വലിയ ആശ്വാസമാണ്.