വെസ്റ്റിന്‍ഡീസിനെതിരായ മൂന്നാം ഏകദിനത്തില്‍ സെഞ്ച്വറി നഷ്ടമായതോടെ ഇന്ത്യന്‍ നായകന്‍ രോഹിത് ശര്‍മയ്ക്ക് ഒരു നിര്‍ഭാഗ്യകരമായ റെക്കോര്‍ഡ്. മത്സരത്തില്‍ സെഞ്ച്വറിക്ക് എട്ട് റണ്‍സ് അകലെയാണ് താരം പുറത്തായത്.
തുടക്കത്തില്‍ ബാറ്റിംഗ് ദുഷ്‌കരമായിരുന്ന പിച്ചില്‍ 81 പന്തില്‍ 92 റണ്‍സെടുത്താണ് രോഹിത് മടങ്ങിയത്. വെസ്റ്റിന്‍ഡീസിനെതിരായ ഏകദിനങ്ങളില്‍ ഒന്നിലധികം തവണ തൊണ്ണൂറുകളില്‍ പുറത്താകുന്ന അഞ്ചാമത്തെ മാത്രം ബാറ്ററാണ് രോഹിത് ശര്‍മ.
വിരാട് കോലി, വീരേന്ദര്‍ സെവാഗ്, വുസി സിബാന്ദ, ആദം ഗില്‍ക്രിസ്റ്റ് എന്നിവരാണ് ഈ പട്ടികയിലുള്ള മറ്റുള്ളവര്‍. ഗുവാഹത്തിയില്‍ മികച്ച സെഞ്ച്വറി നേടിയ താരം മുല്ലാന്‍പൂരിലും അതിശയിപ്പിക്കുന്ന പ്രകടനമാണ് പുറത്തെടുത്തത്.
എന്നാല്‍ കീമോ പോളിന്റെ പന്തില്‍ താരം പുറത്താകുകയായിരുന്നു. 10 ഫോറും 3 സിക്‌സറും സഹിതം 92 റണ്‍സെടുത്താണ് രോഹിത് മടങ്ങിയത്.
അന്താരാഷ്ട്ര ക്രിക്കറ്റില്‍ രോഹിത് തൊണ്ണൂറുകളില്‍ പുറത്താകുന്നത് ഇത് ഏഴാം തവണയാണ്. ഇതില്‍ അഞ്ചും ഏകദിനങ്ങളിലാണ്.
പിച്ചിലെ ആനുകൂല്യം മനസ്സിലാക്കി വളരെ കരുതലോടെയാണ് രോഹിത് ഇന്നിങ്സ് തുടങ്ങിയത്. 58 പന്തില്‍ അര്‍ദ്ധശതനം തികച്ച താരം, പിന്നീട് സാവധാനം സ്‌കോറിങ് വേഗത്തിലാക്കി.
അല്‍സാരി ജോസഫിന്റെ പന്തില്‍ നേടിയ 72 മീറ്റര്‍ സിക്‌സറും സ്പിന്നര്‍മാര്‍ക്കെതിരായ ഷോട്ടുകളും ശ്രദ്ധേയമായിരുന്നു. തുടക്കത്തില്‍ ശുഭ്മാന്‍ ഗില്ലിനെയും വിരാട് കോലിയെയും പെട്ടെന്ന് നഷ്ടമായ ഇന്ത്യയെ രോഹിതും രുത്‌രാജ് ഗെയ്ക്വാദും ചേര്‍ന്ന് കരകയറ്റി.
ഇരുവരും ചേര്‍ന്ന് 137 റണ്‍സിന്റെ നിര്‍ണായക കൂട്ടുകെട്ടാണ് പടുത്തുയര്‍ത്തിയത്. അര്‍ദ്ധശതനത്തിന് ശേഷം മികച്ച രീതിയില്‍ ബാറ്റ് വീശിയ രോഹിത്, അവസാന 27 പന്തുകളില്‍ നിന്ന് 42 റണ്‍സാണ് നേടിയത്.
ഇന്നിങ്‌സിനിടെ ചില ഭാഗ്യ നിമിഷങ്ങളും രോഹിത്തിന് ലഭിച്ചു. ജെയ്ഡന്‍ സീല്‍സിന്റെ പന്തില്‍ എല്‍ബിഡബ്ല്യുവിനായി വിന്‍ഡീസ് അപ്പീല്‍ ചെയ്‌തെങ്കിലും പന്ത് സ്റ്റംപില്‍ കൊള്ളില്ലെന്ന് റിവ്യൂവില്‍ വ്യക്തമായി.
പിന്നീട് അല്‍സാരി ജോസഫിന്റെ പന്തിലും താരം രക്ഷപ്പെട്ടു. ഒടുവില്‍ ഗുഡകേഷ് മോതിക്കെതിരെ തുടര്‍ച്ചയായി ബൗണ്ടറികള്‍ നേടി തൊണ്ണൂറുകളിലേക്ക് കടന്നെങ്കിലും, കീമോ പോളിന്റെ പന്തില്‍ പുറത്തായതോടെ രോഹിത്തിന് തന്റെ 36-ാം ഏകദിന സെഞ്ച്വറി നഷ്ടമാവുകയായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
