250 പൗണ്ടിലേറെ ഭാരമുള്ള കൂറ്റൻ അലിഗേറ്ററിനെ യാതൊരു ഭയവുമില്ലാതെ കൈകളിൽ എടുത്തുനടക്കുന്ന യുവതിയുടെ ദൃശ്യങ്ങൾ സമൂഹമാധ്യമങ്ങളിൽ ശ്രദ്ധ നേടുന്നു. സാധാരണഗതിയിൽ ഭീതി പരത്തുന്ന വലിപ്പമുള്ള ഉരഗവർഗ്ഗ ജീവിയെ അതിശയകരമായ ലാഘവത്തോടെ യുവതി കൈകാര്യം ചെയ്യുന്നതാണ് ദൃശ്യങ്ങളിലുള്ളത്.
‘ഡാർത്ത്’ (Darth) എന്ന് പേരിട്ടിരിക്കുന്ന അലിഗേറ്ററെയാണ് യുവതി കൈകളിൽ പിടിച്ചിരിക്കുന്നത്. ‘ഏറെക്കാലത്തെ ബന്ധമെന്ന്’ വിശേഷിപ്പിച്ചുകൊണ്ട്, ദീർഘകാലമായി ഈ ജീവിക്കൊപ്പം കഴിയുന്നതിനാൽ ഇരുവരും തമ്മിൽ വലിയ അടുപ്പമുണ്ടെന്നാണ് യുവതി വ്യക്തമാക്കുന്നത്.
യുവതിയുടെ കൈകളിൽ ഇരിക്കുമ്പോൾ ഡാർത്ത് വളരെ ശാന്തനായാണ് കാണപ്പെടുന്നത്. റിപ്റ്റൈൽ സൂവിന്റെ ഔദ്യോഗിക ഇൻസ്റ്റഗ്രാം അക്കൗണ്ടിലൂടെയാണ് ഈ ദൃശ്യങ്ങൾ പുറത്തുവിട്ടത്.
ഡാർത്തിന് 250 പൗണ്ടിലധികം ഭാരമുണ്ടെന്നും, വർഷങ്ങളായുള്ള അടുപ്പം മൂലം ഇവ തമ്മിൽ വലിയൊരു ബന്ധം രൂപപ്പെട്ടിട്ടുണ്ടെന്നും കുറിപ്പിൽ വ്യക്തമാക്കുന്നു. അതേസമയം, പരസ്പര വിശ്വാസമുണ്ടെങ്കിലും ഡാർത്ത് ഒരു വന്യമൃഗമാണെന്നും, അതിനാൽ എപ്പോഴും ജാഗ്രതയും കരുതലും അത്യാവശ്യമാണെന്നും യുവതി ഓർമ്മിപ്പിക്കുന്നുണ്ട്.
കൂറ്റൻ അലിഗേറ്ററെ യുവതി നെഞ്ചോട് ചേർത്തുപിടിച്ച് നടക്കുന്നതും യാതൊരു പ്രകോപനവുമില്ലാതെ ജീവി ശാന്തമായിരിക്കുന്നതും കാഴ്ചക്കാരെ അമ്പരപ്പിച്ചു. ജീവിയുടെ ഭാരത്തെയും യുവതിയുടെ ധൈര്യത്തെയും അഭിനന്ദിച്ചുകൊണ്ട് നിരവധി പേരാണ് രംഗത്തെത്തിയത്.
‘അലിഗേറ്റർ ഭീമനാണല്ലോ’, ‘ഇത്ര ധൈര്യം എനിക്ക് ഉണ്ടാകില്ല’, ‘ഇവർ തമ്മിലുള്ള ആത്മബന്ധം അത്ഭുതപ്പെടുത്തുന്നു’ എന്നിങ്ങനെയുള്ള വിവിധ പ്രതികരണങ്ങളാണ് പോസ്റ്റിന് ലഭിച്ചുകൊണ്ടിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
