ജിമെയിൽ ഇൻബോക്സ് സുരക്ഷിതമാക്കാം; എഐ തട്ടിപ്പുകളും സ്പാമുകളും ഒഴിവാക്കാൻ നാല് ലളിതമായ മാർഗങ്ങൾ

കാലത്തിനനുസരിച്ച് ഓൺലൈൻ തട്ടിപ്പുകളും എഐ വഴിയുള്ള സ്പാം സന്ദേശങ്ങളും വർധിച്ചുവരികയാണ്. പലപ്പോഴും പ്രധാനപ്പെട്ട

മെയിലുകൾക്കിടയിൽ ഇത്തരം വ്യാജ സന്ദേശങ്ങളും ഫിഷിംഗ് ഇമെയിലുകളും വന്നുപെടുന്നത് ഉപയോക്താക്കൾക്ക് വലിയ ബുദ്ധിമുട്ട് സൃഷ്ടിക്കാറുണ്ട്. എന്നാൽ ജിമെയിലിലെ ചില ലളിതമായ ക്രമീകരണങ്ങൾ വഴി ഇത്തരം ശല്യങ്ങളിൽ നിന്ന് പൂർണ്ണമായി രക്ഷനേടാൻ സാധിക്കും.

ഇൻബോക്സ് വൃത്തിയായി സൂക്ഷിക്കുന്നതിനും ഡാറ്റ സുരക്ഷിതമായിരിക്കുന്നതിനും സഹായിക്കുന്ന പ്രധാനപ്പെട്ട നാല് മാർഗങ്ങൾ താഴെ പറയുന്നവയാണ്.

പ്രധാനപ്പെട്ട ഒരു മാർഗ്ഗം ഫിഷിംഗ് ഇമെയിലുകൾ ഗൂഗിളിന് റിപ്പോർട്ട് ചെയ്യുക എന്നതാണ്.

നമ്മൾ ഉപയോഗിക്കുന്ന പ്രമുഖ വെബ്‌സൈറ്റുകളുടെയോ സ്ഥാപനങ്ങളുടെയോ പേരിൽ വ്യക്തിവിവരങ്ങൾ ചോർത്താൻ എത്തുന്ന സന്ദേശങ്ങളാണ് ഫിഷിംഗ് ഇമെയിലുകൾ. ഇത്തരം മെയിലുകൾ ലഭിച്ചാൽ യാതൊരു കാരണവശാലും ഉള്ളിലെ ലിങ്കുകളിൽ ക്ലിക്ക് ചെയ്യരുത്.

പകരം മെയിൽ തുറന്ന് മുകളിൽ വലതുവശത്തുള്ള മൂന്ന് ഡോട്ടുകളിൽ ക്ലിക്ക് ചെയ്ത് Report phishing ഓപ്ഷൻ തിരഞ്ഞെടുക്കുക. ഇതുവഴി ഗൂഗിളിന്റെ ശ്രദ്ധയിൽ ഈ തട്ടിപ്പുകൾ പെടുത്താനും ഭാവിയിൽ ഇത്തരം സന്ദേശങ്ങൾ ബ്ലോക്ക് ചെയ്യാനും സാധിക്കും.

പരസ്യങ്ങളും മറ്റ് അനാവശ്യ മാർക്കറ്റിംഗ് മെയിലുകളും ഒഴിവാക്കാൻ ജിമെയിലിൽ കർശനമായ സ്പാം ഫിൽട്ടർ സജ്ജീകരിക്കാവുന്നതാണ്. ഇതിനായി ജിമെയിലിന്റെ മുകളിലുള്ള ഗിയർ ഐക്കൺ (Gear icon) തിരഞ്ഞെടുത്ത് See all settings ക്ലിക്ക് ചെയ്യുക.

തുടർന്ന് Filters and blocked addresses എന്ന ഭാഗത്ത് പോയി Create a new filter തിരഞ്ഞെടുക്കാം. ഇവിടെ വിലാസം, വിഷയം, മറ്റ് പ്രത്യേക വാചകങ്ങൾ എന്നിവ നൽകി ഫിൽട്ടർ സമിതി ക്രമീകരിക്കാം.

ആവർത്തിച്ചുള്ള ഇത്തരം ശല്യങ്ങൾ ഒഴിവാക്കാൻ Delete ഓപ്ഷൻ തിരഞ്ഞെടുക്കുന്നതാണ് കൂടുതൽ ഫലപ്രദം. ഒറ്റപ്പെട്ട

വിലാസങ്ങൾക്ക് പുറമെ മുഴുവൻ ഡൊമെയ്‌നുകളും ഫിൽട്ടർ ചെയ്യുക എന്നതാണ് മറ്റൊരു പ്രധാന വഴി. തട്ടിപ്പുകാർ പലപ്പോഴും ഒരു പ്രത്യേക ഡൊമെയ്ൻ ഉപയോഗിച്ച് നിരവധി അയക്കുന്നവരുടെ വിലാസങ്ങൾ സൃഷ്ടിക്കാറുണ്ട്.

അതിനാൽ സിംഗിൾ അഡ്രസ്സ് ഫിൽട്ടർ ചെയ്യുന്നതിന് പകരം മുഴുവൻ ഡൊമെയ്‌നും ബ്ലോക്ക് ചെയ്യാം. ഫിൽട്ടർ പേജിൽ From എന്ന ഭാഗത്ത് ആസ്ട്രിസ്ക് ചിഹ്നവും അ ‘@’ ചിഹ്നവും ഉപയോഗിച്ച് ഡൊമെയ്ൻ പേര് നൽകി ഇത് സജ്ജീകരിക്കാം.

എന്നാൽ ഇത് നൽകും മുൻപ് അക്ഷരങ്ങൾ കൃത്യമാണെന്ന് ഉറപ്പുവരുത്തേണ്ടതാണ്. ഇവ കൂടാതെ ജിമെയിലിൽ സ്വന്തമായി ഒരു ബ്ലോക്ക്‌ലിസ്റ്റ് പരിപാലിക്കുന്നതും വളരെ ഗുണം ചെയ്യും.

അപരിചിതമായ വിലാസങ്ങളിൽ നിന്നുള്ള മെയിലുകൾ ഇൻബോക്സിൽ എത്താതിരിക്കാൻ അവ നേരിട്ട് ബ്ലോക്ക് ചെയ്യാവുന്നതാണ്. മുകളിൽ പറഞ്ഞതുപോലെ മൂന്ന് ഡോട്ടുകളിൽ ക്ലിക്ക് ചെയ്ത് അയക്കുന്നയാളെ ബ്ലോക്ക് ചെയ്യാം.

ബ്ലോക്ക് ചെയ്ത വിലാസങ്ങൾ പരിശോധിക്കാനും അബദ്ധത്തിൽ ബ്ലോക്ക് ചെയ്തവ ഒഴിവാക്കാനും സെറ്റിംഗ്സിലെ Filters and Blocked Addresses പേജ് ഉപയോഗിക്കാവുന്നതാണ്. അപരിചിതമായ സന്ദേശങ്ങൾ തുറക്കാതിരിക്കാനും ഔദ്യോഗിക ആവശ്യങ്ങൾക്കായി മാത്രം പ്രധാന ഇമെയിൽ വിലാസം ഉപയോഗിക്കാനും ശ്രദ്ധിക്കുന്നത് വഴി വലിയ തോതിൽ ഓൺലൈൻ അപകടങ്ങൾ ഒഴിവാക്കാൻ സാധിക്കും.