ആലപ്പുഴ നഗരസഭ അധ്യക്ഷ മോളി ജേക്കബിനെതിരെ നടത്തിയ ‘പൂതന’ പരാമർശത്തിൽ വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് രാജു അപ്സരയ്ക്കെതിരെ കേരള പൊലീസ് കേസെടുത്തു. കഴിഞ്ഞദിവസം മോളി ജേക്കബ് ജില്ലാ പൊലീസ് മേധാവി ടി.കെ.വിഷ്ണു പ്രദീപിന് നൽകിയ ഔദ്യോഗിക പരാതിയുടെ അടിസ്ഥാനത്തിലാണ് ഈ നിയമനടപടി സ്വീകരിച്ചിരിക്കുന്നത്.
തനിക്കെതിരെ ഉപയോഗിച്ച ‘പൂതന’ പരാമർശം കടുത്ത മാനഹാനി ഉണ്ടാക്കിയെന്നും, ഈ പ്രസ്താവനയുടെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിച്ചത് തനിക്ക് വലിയ തോതിൽ മനോവിഷമം ഉണ്ടാക്കിയെന്നും കാട്ടിയാണ് അധ്യക്ഷ പരാതി സമർപ്പിച്ചത്. നഗരത്തിലെ വഴിയോരക്കച്ചവടക്കാരെ മുല്ലയ്ക്കൽ തെരുവിലേക്കു പുനരധിവസിപ്പിക്കാനുള്ള നഗരസഭയുടെ തീരുമാനത്തിനെതിരെ കഴിഞ്ഞ ബുധനാഴ്ച വ്യാപാരി വ്യവസായി ഏകോപന സമിതി നഗരസഭയിലേക്ക് ശക്തമായ മാർച്ച് സംഘടിപ്പിച്ചിരുന്നു.
ഈ മാർച്ചിൽ ഉദ്ഘാടനം നിർവഹിച്ച് സംസാരിക്കുന്ന വേളയിലാണ് രാജു അപ്സര നഗരസഭ അധ്യക്ഷയെ ‘പൂതന’ എന്നു വിശേഷിപ്പിച്ച് പരസ്യമായി അധിക്ഷേപിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
