ഭാവിയിലെ മുൻനിര സ്മാർട്ട്ഫോൺ മോഡലുകളുമായി യുഎസ് വിപണിയിലേക്ക് ശക്തമായ തിരിച്ചുവരവിന് ഒരുങ്ങി പ്രമുഖ ബ്രാൻഡായ മോട്ടറോള. അമേരിക്കൻ വിപണിയിൽ ദീർഘകാലമായി പരമ്പരാഗത ഫ്ലാഗ്ഷിപ്പ് ഫോണുകളുടെ അവതരണം കമ്പനി ഒഴിവാക്കിയിരുന്നെങ്കിലും, പുതിയ നീക്കങ്ങൾ വിപണിയിൽ വലിയ ചർച്ചകൾക്ക് വഴിവെച്ചിരിക്കുകയാണ്.
മുൻപ് Razr (2026) ഉൾപ്പെടെയുള്ള ഫോൾഡബിൾ മോഡലുകൾ വിപണിയിൽ എത്തിച്ചിരുന്നെങ്കിലും ഗാലക്സി എസ്26 അൾട്രാ, ഗൂഗിൾ പിക്സൽ 11 സീരീസ് എന്നിവയോട് മത്സരിക്കാൻ തക്കവന്നുള്ള പരമ്പരാഗത ഫ്ലാഗ്ഷിപ്പ് മോഡലുകൾ കമ്പനി യുഎസിൽ അവതരിപ്പിച്ചിരുന്നില്ല. ഈ വർഷത്തിന്റെ തുടക്കത്തിൽ മോട്ടറോള അവതരിപ്പിച്ച സിഗ്നേച്ചർ മോഡൽ അമേരിക്കൻ വിപണി ഒഴിവാക്കിയിരുന്നുവെങ്കിലും, വരാനിരിക്കുന്ന പുതിയ പതിപ്പിലൂടെ ഈ സ്ഥിതി മാറുമെന്നാണ് സൂചനകൾ.
ആഗോള വെബ്സൈറ്റുകളിൽ പുതിയ സിഗ്നേച്ചർ 27 ഫോണിന്റെ വരവിനായുള്ളക്കമുള്ള മുന്നൊരുക്കങ്ങൾ കമ്പനി ആരംഭിച്ചു കഴിഞ്ഞു. ഇതിനിടയിൽ, “A new perspective is coming” എന്ന സന്ദേശത്തോടുകൂടിയ ഒരു പോപ്പ്-അപ്പ് സന്ദേശം അമേരിക്കൻ വെബ്സൈറ്റിൽ പ്രത്യക്ഷപ്പെട്ടത് ഈ ഊഹാപോഹങ്ങൾക്ക് കൂടുതൽ ബലം നൽകുന്നുണ്ട്.
ഔദ്യോഗിക വെബ്സൈറ്റിൽ നിന്ന് ഈ ബാനർ പിന്നീട് പിൻവലിച്ചെങ്കിലും, സാങ്കേതിക വിപണിയിൽ ഇത് വലിയ ചർച്ചയായിട്ടുണ്ട്. അതേസമയം, “Crystals by Swarovski” ബ്രാൻഡിംഗിന്റെ സാന്നിധ്യവും ചില സൂചനകളിൽ കണ്ടെത്തിയിട്ടുണ്ട്.
ഫ്ലാഗ്ഷിപ്പ് മോഡലുകളുടെ സാങ്കേതിക സവിശേഷതകളിലേക്ക് നോക്കുമ്പോൾ, 6.8 ഇഞ്ച് AMOLED സ്ക്രീൻ, സ്നാപ്ഡ്രാഗൺ 8 ജെൻ 5 പ്രൊസസർ, 90W ഫാസ്റ്റ് ചാർജിംഗിനെ പിന്തുണയ്ക്കുന്ന 5,200mAh ബാറ്ററി എന്നിവയാണ് പ്രധാന ആകർഷണങ്ങൾ. ഒപ്റ്റിക്കൽ വിഭാഗത്തിൽ 50 മെഗാപിക്സലിന്റെ വൈഡ് സെൻസർ, പെരിസ്കോപ്പ് ടെലിഫോട്ടോ യൂണിറ്റ്, അൾട്രാ വൈഡ് സെൻസർ എന്നിവയ്ക്കൊപ്പം 50 മെഗാപിക്സലിന്റെ മുൻ ക്യാമറയും ഇതിൽ ഉൾപ്പെടുത്തിയിരിക്കുന്നു.
256 ജിബി മുതൽ 1 ടിബി വരെയുള്ള സ്റ്റോറേജ് വേരിയന്റുകളിലും, 12 ജിബി അല്ലെങ്കിൽ 16 ജിബി റാം ഓപ്ഷനുകളിലും ഈ ഫോൺ ലഭ്യമാകും. ആൻഡ്രോയിഡ് 16 ഒഎസിൽ പുറത്തിറങ്ങുന്ന ഈ ഫോണിന് ഏഴ് വർഷത്തെ ആൻഡ്രോയിഡ് അപ്ഡേറ്റുകളാണ് കമ്പനി വാഗ്ദാനം ചെയ്യുന്നത്.
കൂടാതെ, IP68-IP69 ഡസ്റ്റ് ആൻഡ് വാട്ടർ പ്രൊട്ടക്ഷനും MIL-STD-810H കംപ്ലയൻസും ഇതിലുണ്ട്. പുതിയ തലമുറ മോഡൽ അടുത്ത ഏതാനും മാസങ്ങൾക്കുള്ളിൽ വിപണിയിലെത്തുമെന്നാണ് പ്രതീക്ഷിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
