പ്രമുഖ സാമൂഹിക പ്രവർത്തകൻ അണ്ണാ ഹസാരെ മുംബൈയിലെ ബോംബെ ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിൽ കഴിയുന്നു. കടുത്ത വൈറൽ അണുബാധയും നിർജ്ജലീകരണവും ബാധിച്ചതിനെ തുടർന്നാണ് അദ്ദേഹത്തെ വിദഗ്ധ ചികിത്സയ്ക്കായി മുംബൈയിൽ എത്തിച്ചത്.
മഹാരാഷ്ട്രയിലെ റാലെഗാവ് സിദ്ധിയിലെ ആശുപത്രിയിൽ ചികിത്സയിൽ കഴിയുന്നതിനിടെ ആരോഗ്യനിലയിൽ മുൻകരുതൽ എന്ന നിലയിൽ അസ്വസ്ഥതകൾ വർധിച്ചതിനെ തുടർന്നാണ് അദ്ദേഹത്തെ മുംബൈയിലേക്ക് മാറ്റിയത്. പ്രമുഖ ഡോക്ടർ ഗൗതം ഭൻസാലിയുടെ നേതൃത്വത്തിലുള്ള പ്രത്യേക സംഘമാണ് അദ്ദേഹത്തിന്റെ നിലവിലെ ചികിത്സകൾ ഏകോപിപ്പിക്കുന്നത്.
ഡോക്ടർമാരുടെ വിദഗ്ധ സംഘം അദ്ദേഹത്തിന്റെ ആരോഗ്യനില അതീവ ശ്രദ്ധയോടെ വിലയിരുത്തി വരികയാണെന്നും, പരിശോധനാഫലങ്ങൾ ലഭ്യമായ ശേഷം മാത്രമെ തുടർചികിത്സ സംബന്ധിച്ച അന്തിമ തീരുമാനങ്ങൾ കൈക്കൊള്ളുകയുള്ളൂ എന്നും ആശുപത്രി അധികൃതർ ഔദ്യോഗികമായി വ്യക്തമാക്കി. നിലവിൽ ബോംബെ ആശുപത്രിയിലെ ഐ.സി.യുവിൽ കർശന നിരീക്ഷണത്തിലാണ് അദ്ദേഹം തുടരുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
