സ്മാർട്ട് വാച്ച് വിപണിയിൽ പുതിയ ചുവടുവെപ്പുമായി ഗൂഗിൾ പിക്സൽ വാച്ച് 5 എത്തിയിരിക്കുന്നു. ആപ്പിളിന്റെ പുതിയ നീക്കങ്ങൾക്കായി കാത്തിരിക്കുന്നതിനിടയിലാണ് സാംസങ് അടക്കമുള്ള മറ്റ് മുൻനിര ബ്രാൻഡുകൾ ഇതിനോടകം രംഗത്തെത്തിയിട്ടുള്ളത്.
ആധുനിക സാങ്കേതികവിദ്യയും മെച്ചപ്പെട്ട ആരോഗ്യ നിരീക്ഷണ സവിശേഷതകളുമായാണ് ഈ പുതിയ വാച്ച് ഉപയോക്താക്കൾക്കായി ഗൂഗിൾ അവതരിപ്പിച്ചിരിക്കുന്നത്.
വിപണിയിൽ ലഭ്യമായിട്ടുള്ള വിവരങ്ങൾ അനുസരിച്ച്, 41mm, 45mm എന്നിങ്ങനെ രണ്ട് സൈസ് ഓപ്ഷനുകളിൽ ഈ വാച്ച് ലഭ്യമാണ്. സ്റ്റാൻഡേർഡ് വൈഫൈ, ബ്ലൂടൂത്ത് കണക്റ്റിവിറ്റികൾക്ക് പുറമെ 4G LTE കണക്റ്റിവിറ്റി ഓപ്ഷനും ഇതിൽ നൽകിയിട്ടുണ്ട്.
41mm വൈഫൈ മോഡലിന് $399 ആണ് വിലയെങ്കിൽ, എൽ.ടി.ഇ പതിപ്പിന് $499 വരും. അതേസമയം 45mm വൈഫൈ പതിപ്പിന് $429 ഉം എൽ.ടി.ഇ മോഡലിന് $529 ഉം ആണ് വില വരുന്നത്.
അലുമിനിയം ബോഡിയിൽ വിവിധ ഫിനിഷുകളിലും സ്ട്രാപ്പുകളിലുമാണ് ഇവ പുറത്തിറങ്ങിയിട്ടുള്ളത്. കൂടാതെ $529 വിലയുള്ള ഒരു പ്രത്യേക സ്റ്റീഫൻ കറി സ്പെഷ്യൽ എഡിഷൻ മോഡലും ലഭ്യമാണ്.
സാങ്കേതിക സവിശേഷതകളുടെ കാര്യത്തിൽ, ക്വാൽകോം സ്നാപ്ഡ്രാഗൺ W5 Gen 2 ആക്സിലറേറ്റഡ് പ്രൊസസ്സറാണ് ഇതിൽ ഉപയോഗിച്ചിരിക്കുന്നത്. ഗൂഗിളിന്റെ പുതിയ ഹെൽത്ത് ആപ്പും ഗൂഗിൾ ഹെൽത്ത് എഐ കോച്ച് ഫീച്ചറും ഇതിന്റെ പ്രധാന ആകർഷണങ്ങളിൽ ഒന്നാണ്.
ഫിറ്റ്നസ് പ്രേമികൾക്ക് ഏറെ സഹായകരമാകുന്ന രീതിയിലാണ് ഇതിന്റെ നിർമ്മാണം. രണ്ട് ദിവസത്തോളം നീണ്ടുനിൽക്കുന്ന ബാറ്ററി ബാക്ക് അപ്പും വളരെ വേഗത്തിലുള്ള ചാർജിംഗും ഇതിന്റെ എടുത്തുപറയേണ്ട
സവിശേഷതകളാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
