കോളേജ് ഹോസ്റ്റൽ മുറികളിലെ ഇടം കുറവ് പ്രശ്നമല്ല; വിനോദത്തിനും പഠനത്തിനുമുള്ള പ്രധാനപ്പെട്ട ഗാഡ്ജറ്റുകൾ അറിയാം

ഉന്നത വിദ്യാഭ്യാസ കാലഘട്ടത്തിലെ അവിഭാജ്യ ഘടകമാണ് ഹോസ്റ്റൽ ജീവിതം. പുതിയ ആളുകളുമായി സൗഹൃദം സ്ഥാപിക്കാനും ഒന്നിച്ച് മുന്നോട്ട് പോകാനും ഈ കാലം സഹായിക്കും.

എന്നാൽ ഹോസ്റ്റൽ മുറികളിലെ പരിമിതമായ സ്ഥലം പലപ്പോഴും വിദ്യാർത്ഥികൾക്ക് വലിയ വെല്ലുവിളിയാണ് ഉയർത്താറുള്ളത്. സ്ഥലപരിമിതി മൂക്കം പല കാര്യങ്ങളിലും വിട്ടവീഴ്ച ചെയ്യേണ്ടി വരാറുണ്ടെങ്കിലും വിനോദത്തിലും പഠനത്തിലും യാതൊരു കുറവും വരുത്തേണ്ടതില്ല.

വലിയ ടെലിവിഷനോ കൂറ്റൻ മോണിറ്ററുകളോ മുറിയിൽ വെക്കാൻ കഴിഞ്ഞില്ലെങ്കിലും അതിന് പകരമായി ഉപയോഗിക്കാൻ സാധിക്കുന്ന മികച്ച ചില ഉൽപ്പന്നങ്ങളാണ് NEBULA Mars 3 Air പ്രൊജക്ടറും ട്രിപ്പിൾ ലാപ്ടോപ്പ് സ്ക്രീൻ എക്സ്റ്റെൻഡറും. ഹോസ്റ്റൽ മുറികളിൽ സിനിമാനുഭവം ഒരുക്കാൻ ആഗ്രഹിക്കുന്നവർക്ക് ഉപയോഗിക്കാൻ കഴിയുന്ന മികച്ചൊരു പ്രൊജക്ടറാണ് NEBULA Mars 3 Air.

ഗൂഗിൾ ടിവി ഉൾപ്പെടുത്തിയിരിക്കുന്നതിനാൽ മികച്ച യൂസർ ഇന്റർഫേസും പ്രമുഖ സ്ട്രീമിംഗ് സേവനങ്ങളും ഇതിലൂടെ ലഭ്യമാകും. കൂടാതെ ഗൂഗിൾ പ്ലേ സ്റ്റോറിൽ നിന്നും ഇഷ്ടപ്പെട്ട

ഗെയിമുകളും ആപ്പുകളും ഡൗൺലോഡ് ചെയ്യാം. 1080p പ്രൊജക്ഷൻ വഴി വ്യക്തതയേറിയ ദൃശ്യാനുഭവം ലഭിക്കുന്നതിനോടൊപ്പം 150 ഇഞ്ച് വരെ വലിപ്പമുള്ള വലിയ സ്ക്രീനിലേക്ക് ദൃശ്യങ്ങൾ എത്തിക്കാനും സാധിക്കും.

400-ANSI-ലുമൻ റേറ്റിംഗ് ഉള്ളതിനാൽ വെളിച്ചമുള്ള മുറികളിൽ പോലും ഈ പ്രൊജക്ടർ ഉപയോഗിക്കാം. ഇരുണ്ട

അന്തരീക്ഷത്തിലാണ് ഇത് ഏറ്റവും മികച്ച പ്രകടനം കാഴ്ചവെക്കുന്നത്. ഇതിന്റെ ഏറ്റവും വലിയ പ്രത്യേകത ഇതിൽ ബിൽറ്റ്-ഇൻ ബാറ്ററി നൽകിയിരിക്കുന്നു എന്നതാണ്.

പ്ലഗ് ഇൻ ചെയ്യാതെ തന്നെ വീഡിയോ പ്ലേ ചെയ്യുമ്പോൾ രണ്ടര മണിക്കൂർ വരെയും പാട്ടുകൾ കേൾക്കുമ്പോൾ എട്ട് മണിക്കൂർ വരെയും ഇത് പ്രവർത്തിക്കും. ഇതിന്റെ നേറ്റീവ് റെസലൂഷൻ 1080p ആണ്.

ഒരേ സമയം നിരവധി ജോലികൾ ചെയ്യുന്ന മൾട്ടിടാസ്കിംഗ് ശീലമുള്ള വിദ്യാർത്ഥികൾക്ക് ഏറെ ഉപകാരപ്പെടുന്ന ഒന്നാണ് ട്രിപ്പിൾ ലാപ്ടോപ്പ് സ്ക്രീൻ എക്സ്റ്റെൻഡർ. ഒറ്റ മോണിറ്റർ കൊണ്ട് ആവശ്യങ്ങൾ നടക്കാതെ വരുമ്പോൾ കൂടുതൽ സ്ഥലം നഷ്ടപ്പെടുത്താതെ തന്നെ ലാപ്ടോപ്പ് സ്ക്രീൻ വലുതാക്കാൻ ഈ ഉപകരണം സഹായിക്കുന്നു.

അധികമായി രണ്ട് സ്ക്രീനുകൾ കൂടി ഘടിപ്പിക്കാൻ ഇതിലൂടെ സാധിക്കും. വിൻഡോസ് (Windows), മാക്കോസ് (macOS), ക്രോംഓഎസ് (ChromeOS) എന്നിവയുമായി ഇത് പൊരുത്തപ്പെടും.

14 ഇഞ്ച് വലിപ്പമുള്ള ഐ.പി.എസ് (IPS) ഡിസ്‌പ്ലേയും 1080p റെസലൂഷനുമാണ് ഇതിലുള്ളത്. 180 ഡോളർ നിരക്കിൽ ഈ ഉൽപ്പന്നം ലഭ്യമാണ്.

പരിമിതമായ സ്ഥലമുള്ള ഹോസ്റ്റൽ മുറികളെ ഒരു മിനി തിയേറ്ററോ ലാപ്ടോപ്പിനെ മികച്ചൊരു പഠന കേന്ദ്രമോ ആയി മാറ്റാൻ ഈ ഗാഡ്ജറ്റുകൾ വിദ്യാർത്ഥികളെ സഹായിക്കും. സ്ഥലം കുറവുള്ള മുറികളിൽ താമസിക്കുന്നവർക്ക് ഇത്തരം സാങ്കേതിക ഉപകരണങ്ങൾ ഏറെ പ്രയോജനപ്പെടും.