ഹാങ്ചോ: ഏഷ്യൻ ഗെയിംസിൽ ഇന്ത്യക്ക് പത്താം സ്വർണം. സ്ക്വാഷ് പുരുഷ ടീം ഇനത്തിൽ പാകിസ്താനെ 2-1ന് തോൽപിച്ചാണ് ശനിയാഴ്ചത്തെ രണ്ടാം സ്വർണനേട്ടം. നിർണായകമായ മൂന്നാം മത്സരത്തിൽ ഇന്ത്യൻ താരം അഭയ് സിങ് പാകിസ്താന്റെ സമാൻ നൂറിനെ 11-7, 9-11, 7-11, 11-9, 12-10 സ്കോറിനാണ് തോൽപിച്ചത്.
നേരത്തെ സൗരവ് ഘോഷാൽ മുഹമ്മദ് അസിം ഖാനെ തോൽപിച്ചപ്പോൾ മഹേഷ് മംഗോൻകർ നാസിർ ഇഖ്ബാലിനോട് തോറ്റിരുന്നു. ഇതോടെ മൂന്നാം മത്സരത്തിൽ ഇന്ത്യക്ക് ജയം അനിവാര്യമായിരുന്നു. ആദ്യ സെറ്റ് അഭയ് സിങ് നേടിയപ്പോൾ രണ്ടും മൂന്നും സെറ്റ് സമാൻ നൂർ സ്വന്തമാക്കി. നാലും അഞ്ചും സെറ്റിൽ വീറോടെ പോരാടിയാണ് അഭയ് സിങ് വിജയം പിടിച്ചെടുത്തത്.
നേരത്തെ ടെന്നിസ് മിക്സഡ് ഡബിൾസിൽ രോഹൻ ബൊപ്പണ്ണ-ഋതുജ ടീം സ്വർണവും 10 മീറ്റർ എയർ പിസ്റ്റൾ മിക്സഡ് വിഭാഗത്തിൽ സരബ്ജോത് സിങ്-ദിവ്യ തഡിഗോൾ സഖ്യം വെള്ളിയും നേടിയിരുന്നു. നിലവിൽ 10 സ്വർണവും 13 വീതം വെള്ളിയും വെങ്കലവും അടക്കം ഇന്ത്യയുടെ മെഡൽ നേട്ടം 36 ആയി. ഇതിൽ 19ഉം നേടിയത് ഷൂട്ടിങ്ങിലാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
