കറുകച്ചാൽ മൈലാടി – നെടുംകുന്നം റോഡിൽ നടന്ന വാഹനാപകടത്തിൽ പരിക്കേറ്റ യുവാവിനെ ആശുപത്രിയിലെത്തിക്കാൻ കാണിച്ച അധ്യാപികമാരുടെ സമയോചിതമായ ഇടപെടൽ ശ്രദ്ധേയമാകുന്നു. 14-ാം തീയതി വൈകിട്ട് അഞ്ചു മണിയോടെയാണ് കലവറപ്പടിയിൽ അപകടം നടന്നത്.
മണലിൽ തെന്നി സ്കൂട്ടർ മറിഞ്ഞ് രക്തത്തിൽ കുളിച്ച് അബോധാവസ്ഥയിലായ സുജിത്ത് (22) എന്ന യുവാവിനെയാണ് അധ്യാപികമാർ രക്ഷപ്പെടുത്തിയത്. സംഭവത്തിന്റെ പശ്ചാത്തലം
പാമ്പാടി പങ്ങട
എസ്എച്ച് ഹൈസ്കൂളിലെ പ്രധാനാധ്യാപിക മെർലിൻ ഫിലിപ്, അതേ സ്കൂളിലെ ഗണിതാധ്യാപിക മെർലിൻ സൗമ്യ, ചങ്ങനാശേരി സെന്റ് ജോസഫ്സ് ഹൈസ്കൂളിലെ ഗണിതാധ്യാപിക സോണിയ ജോസഫ് എന്നിവരാണ് രക്ഷാപ്രവർത്തനത്തിന് നേതൃത്വം നൽകിയത്. റോഡിൽ അബോധാവസ്ഥയിൽ കിടന്ന യുവാവിന് ചുറ്റും ആളുകൾ തടിച്ചു കൂടിയിരുന്നെങ്കിലും ആരും സഹായത്തിന് മുന്നോട്ട് വന്നിരുന്നില്ല.
ഈ സമയം അതുവഴി കാറിലെത്തിയ മെർലിൻ ഫിലിപ്പും മെർലിൻ സൗമ്യയും ഉടൻ തന്നെ വാഹനത്തിൽ നിന്നിറങ്ങി സഹായത്തിനായി ഓടിയെത്തുകയായിരുന്നു. ഇതേ വഴി സ്കൂട്ടറിൽ സഞ്ചരിക്കുകയായിരുന്ന സോണിയ ജോസഫും ഇവർക്കൊപ്പം ചേർന്നതോടെ വേഗത്തിൽ തന്നെ സുജിത്തിനെ കാറിൽ ആശുപത്രിയിലേക്ക് മാറ്റാൻ സാധിച്ചു.
ആരോഗ്യനില
ആശുപത്രിയിലെത്തിച്ച് പ്രഥമശുശ്രൂഷ നൽകിയതിനു പിന്നാലെ സുജിത്തിന്റെ സുഹൃത്തുക്കൾ സ്ഥലത്തെത്തി. തുടർന്ന് വിദഗ്ധ ചികിത്സയ്ക്കായി ഇദ്ദേഹത്തെ കോട്ടയം മെഡിക്കൽ കോളജ് ആശുപത്രിയിലേക്ക് മാറ്റിയിരുന്നു.
നിലവിൽ പാമ്പാടി താലൂക്ക് ആശുപത്രിയിൽ ചികിത്സയിൽ കഴിയുന്ന സുജിത്തിന്റെ ആരോഗ്യനില മെച്ചപ്പെട്ടുവരികയാണെന്ന് അധികൃതർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
