റിയാദ്: പശ്ചിമേഷ്യൻ മേഖലയിൽ നിലനിൽക്കുന്ന സംഘർഷഭരിതമായ സാഹചര്യങ്ങൾക്കിടെ, സൗദി അറേബ്യയും അമേരിക്കയും തമ്മിലുള്ള പ്രതിരോധ സഹകരണം ശക്തമാക്കുന്നതിനായി ഉന്നതതല ചർച്ചകൾ നടന്നു. സൗദി സൈനിക മേധാവി ലഫ്.
ജനറൽ ഫയ്യദ് അൽ റുവൈലി, അമേരിക്കൻ സെൻട്രൽ കമാൻഡ് ഡെപ്യൂട്ടി കമാൻഡർ ലഫ്. ജനറൽ പാട്രിക്ക് ഫ്രാങ്ക് എന്നിവരാണ് റിയാദിൽ കൂടിക്കാഴ്ച നടത്തിയത്.
ഉഭയകക്ഷി ബന്ധം മെച്ചപ്പെടുത്തുന്നതിനൊപ്പം സൈനിക സഹകരണം എങ്ങനെ കാര്യക്ഷമമാക്കാം എന്നതിനെക്കുറിച്ചാണ് പ്രധാനമായും ചർച്ച ചെയ്തതെന്ന് ഔദ്യോഗിക വാർത്താ ഏജൻസികൾ റിപ്പോർട്ട് ചെയ്തു. ഇറാൻ-അമേരിക്ക ബന്ധത്തിലെ വിള്ളലുകളും മേഖലയിലെ സുരക്ഷാ വെല്ലുവിളികളും ചർച്ചയിൽ വിഷയമായി.
ഇതിനുപുറമെ, സൗദി അറേബ്യ ലക്ഷ്യമാക്കി ഹൂത്തി വിമതർ തുടരുന്ന ആക്രമണങ്ങളുടെ പശ്ചാത്തലത്തിൽ ഈ കൂടിക്കാഴ്ച അതീവ പ്രാധാന്യത്തോടെയാണ് നിരീക്ഷിക്കപ്പെടുന്നത്. എങ്കിലും, ചർച്ചയിലെ കൂടുതൽ വിശദാംശങ്ങൾ സംബന്ധിച്ച വിവരങ്ങൾ ഇരുരാജ്യങ്ങളും പുറത്തുവിട്ടിട്ടില്ല.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
