കോഴിക്കോട് റെയിൽവേ സ്റ്റേഷനിൽ സ്ഥിതി ചെയ്യുന്ന ക്ലോക്ക് ടവറിന്റെ ബലക്ഷയം കണക്കിലെടുത്ത് സുരക്ഷാ മുൻകരുതലിന്റെ ഭാഗമായി ഒന്നാം പ്ലാറ്റ്ഫോമിലെ ട്രെയിൻ ഗതാഗതം വീണ്ടും നിരോധിച്ചു. അപകടാവസ്ഥയിലുള്ള ടവറിന്റെ ഭാഗങ്ങൾ അടിയന്തരമായി പൊളിച്ചുമാറ്റുന്നതിനാണ് റെയിൽവേ അധികൃതർ ഇത്തരമൊരു തീരുമാനം കൈക്കൊണ്ടത്.
ഈ നിയന്ത്രണം നിലവിൽ വന്നതോടെ, ഒന്നാം പ്ലാറ്റ്ഫോമിൽ എത്തിച്ചേരേണ്ടിയിരുന്ന കണ്ണൂർ – എറണാകുളം ഇന്റർസിറ്റി എക്സ്പ്രസ് ഉൾപ്പെടെയുള്ള ട്രെയിനുകൾ നാലാം പ്ലാറ്റ്ഫോമിലേക്കാണ് ക്രമീകരിച്ചിരിക്കുന്നത്. ഗതാഗത നിയന്ത്രണം കാരണം ട്രെയിനുകൾ നിലവിൽ ഒരു മണിക്കൂറിലധികമായി വൈകിയാണ് ഓടുന്നത്.
കെട്ടിടത്തിന്റെ ഭാഗം അടർന്നു വീണ സംഭവത്തെ തുടർന്ന് റെയിൽവേ സ്റ്റേഷനിലെത്തിയ നിരവധി യാത്രക്കാർ കടുത്ത ദുരിതത്തിലായി. ഉച്ചയ്ക്ക് 12:45 മുതൽ തിരുവനന്തപുരം ജനശതാബ്ദി എക്സ്പ്രസിനായി കാത്തിരുന്ന യാത്രക്കാർ ഉൾപ്പെടെയുള്ളവർ വലിയ പ്രതിസന്ധിയാണ് സ്റ്റേഷനിൽ നേരിട്ടത്.
അടിയന്തര അറ്റകുറ്റപ്പണികൾ പൂർത്തിയാകുന്നത് വരെ യാത്രക്കാർ ജാഗ്രത പാലിക്കണമെന്ന് റെയിൽവേ അധികൃതർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
