സോഷ്യൽ മീഡിയ ഇൻഫ്ലുവൻസറായ ധന്യ, ‘ഹെലൻ ഓഫ് സ്പാർട്ട’ എന്ന പേരിൽ അറിയപ്പെടുന്ന താരം, മദ്യപിച്ച് വാഹനം ഓടിച്ച സംഭവത്തിൽ വിശദീകരണവുമായി രംഗത്തെത്തി. താൻ മദ്യപിച്ചിരുന്നുവെന്നും എന്നാൽ വാഹനത്തിൽ നിരോധിത ലഹരി മരുന്നുകൾ ഉണ്ടായിരുന്നെന്ന ആരോപണം അടിസ്ഥാനരഹിതമാണെന്നും താരം വ്യക്തമാക്കി.
സംഭവത്തെക്കുറിച്ച് ധന്യ പ്രതികരിച്ചത് ഇങ്ങനെ: ‘‘ഒരു സാധാരണ വ്യക്തിക്ക് മദ്യപിച്ച് വണ്ടിയോടിച്ചതിനു പെറ്റി എങ്ങനെയാണോ വരുന്നത് ആ പെറ്റി ആണ് എനിക്ക് വന്നിട്ടുള്ളത്. ജീവിതത്തില് ആരെയും മദ്യപിക്കാന് പ്രോത്സാഹിപ്പിക്കാറില്ല.
പരിശോധനയ്ക്കിടെ വാഹനം പൊലീസ് പിടിച്ചെടുത്തു. വാഹനത്തില് എംഡിഎംഎ ആയിരുന്നുവെന്ന തരത്തിലുള്ള പ്രചാരണം തെറ്റാണ്.
ആളുകള് തിരിച്ചറിയും എന്നതിനാലാണ് പരിശോധനയ്ക്കിടെ വാഹനം നിര്ത്താതെ പോയത്. എന്നാല് പിടിച്ചതിലും വലുതാണ് മാളത്തില് എന്നുപറയുന്നതുപോലെയായിരുന്നു കാര്യങ്ങള്.
ഞാന് ഒളിവിലാണെന്നും എന്റെ വാഹനം പൊലീസ് കസ്റ്റഡിയിലെടുത്തെന്നും വാര്ത്ത കണ്ടു. വണ്ടിയില് നിന്നും എംഡിഎംഎ പിടിച്ചെന്നും ചിലര് പറയുന്നു.’’ തുടർന്ന് അവർ കൂട്ടിച്ചേർത്തത്: ‘‘എന്നോട് ക്ഷമിക്കണം.
ഒരു പരിപാടിക്കിടയില് ഒരു ബീയര് അടിച്ചിരുന്നു. വണ്ടി ഓടിക്കാന് പാടില്ലായിരുന്നു.
എന്റെ വീടിന്റെ മുന്നിലാണ് വാഹനം നിര്ത്തിയത്. മദ്യപിച്ചിരുന്നോയെന്ന് പൊലീസ് ചോദിച്ചു.
അതെയെന്ന് സമ്മതിക്കുകയും ചെയ്തു. ഊതിയപ്പോള് അത് തെളിയുകയും ചെയ്തു.
കോടതിയില് പെറ്റിയടച്ചാല് മതിയെന്ന് വളരെ വ്യക്തമായി പറഞ്ഞു. ഞാനും കൂടി ആലോചിക്കേണ്ടതായിരുന്നു.
എന്തെങ്കിലും സംഭവിച്ചിരുന്നെങ്കില് ഖേദിച്ചിട്ട് കാര്യമില്ല. കാര്യങ്ങളുടെ ഗൗരവം പറഞ്ഞുതന്ന് പൊലീസ് പോയി.
എന്റെ വണ്ടിയും ഞാനും അവിടെ തന്നെയുണ്ടായിരുന്നു. വാഹനം ചെക്ക് ചെയ്യാമെന്ന് പൊലീസിനോട് പറഞ്ഞു.
രണ്ട് ദിവസമായി സംഭവം നടന്നിട്ട്. വാഹനം പിടിച്ചുകൊണ്ടുപോയിട്ടില്ല.
ഒരു സാധാരണ വ്യക്തിക്ക് മദ്യപിച്ച് വണ്ടിയോടിച്ചതിനു പെറ്റി എങ്ങനെയാണോ വരുന്നത് ആ പെറ്റി ആണ് എനിക്ക് വന്നിട്ടുള്ളത്.’’ താൻ ലഹരി ഉപയോഗിച്ചിട്ടില്ലെന്ന് തെളിയിക്കാൻ 3,550 രൂപ മുടക്കി ഡ്രഗ് ആൻഡ് ആൽക്കഹോൾ പരിശോധന നടത്തിയതായും താരം വീഡിയോയിൽ വെളിപ്പെടുത്തി. ‘‘സ്പാര്ട്ട
ഉപയോഗിച്ചത് മദ്യമല്ലെന്ന് ചിലരെങ്കിലും കമന്റ്ബോക്സില് പറഞ്ഞിരുന്നു. 3,550 രൂപ കൊടുത്ത് ഡ്രഗ് ആന്ഡ് ആല്ക്കഹോള് പരിശോധന നടത്തി.
അയ്യപ്പ ബൈജുവൊന്നുമല്ല ഞാന്. ഇനി ആവര്ത്തിക്കില്ല.
എന്റെ ഭാഗത്താണ് തെറ്റ്. അയാം വെരി വെരി സോറി’’ എന്നും ധന്യ കൂട്ടിച്ചേർത്തു.
വാഹന പരിശോധനയ്ക്കിടെ മനുഷ്യജീവന് അപകടമുണ്ടാക്കും വിധം പ്രതി വാഹനവുമായി കടന്നുകളഞ്ഞു എന്ന് ഹെലൻ ഓഫ് സ്പാർട്ടയ്ക്കെതിരായ എഫ്ഐആറിൽ പരാമർശമുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
