കർണാടകയിലെ വിജയനഗരയിൽ സ്വകാര്യ ലോഡ്ജ് കേന്ദ്രീകരിച്ച് പ്രവർത്തിച്ചു വന്നിരുന്ന പെൺവാണിഭ സംഘത്തെ പൊലീസ് പിടികൂടി. ഹൊസ്പേട്ടിലെ ടിബി ഡാം റോഡിലുള്ള ബാലാജി ലോഡ്ജിൽ നടത്തിയ റെയ്ഡിലാണ് നിയമവിരുദ്ധ പ്രവർത്തനങ്ങൾ കണ്ടെത്തിയത്.
സംഭവവുമായി ബന്ധപ്പെട്ട് ലോഡ്ജ് നടത്തിപ്പുകാർ ഉൾപ്പെടെ മൂന്നുപേർക്കെതിരെ പൊലീസ് കേസെടുത്തു. പരിശോധനാ വേളയിൽ ലോഡ്ജ് മുറികളിൽ കണ്ടെത്തിയ മൂന്ന് സ്ത്രീകളെ പൊലീസ് സുരക്ഷിതമായി മോചിപ്പിച്ചു.
ഇവരെ തുടർനടപടികൾക്കായി അഭയ കേന്ദ്രത്തിലേക്ക് മാറ്റിയിട്ടുണ്ട്. ബീജാപൂർ, ബെംഗളൂരു, ഹൊസ്പേട്ട് എന്നിവിടങ്ങളിൽ നിന്നുള്ളവരാണ് മോചിപ്പിക്കപ്പെട്ട
സ്ത്രീകൾ എന്ന് അധികൃതർ വ്യക്തമാക്കി. പൊലീസെത്തിയ സമയം സംഘത്തിലുണ്ടായിരുന്ന മറ്റ് ചിലർ സംഭവസ്ഥലത്തുനിന്ന് ഓടി രക്ഷപ്പെട്ടു.
ഇവർക്കായി ഊർജിതമായ അന്വേഷണം ആരംഭിച്ചിട്ടുണ്ട്. മൈസൂരു ആസ്ഥാനമായി പ്രവർത്തിക്കുന്ന ഒഡനാടി സേവ സൻസ്ത എന്ന സംഘടന നൽകിയ രഹസ്യ വിവരത്തിന്റെ അടിസ്ഥാനത്തിലാണ് പൊലീസ് നടപടി സ്വീകരിച്ചത്.
വർഷങ്ങളായി ഈ കേന്ദ്രം പ്രവർത്തിച്ചുവരികയായിരുന്നു. ബാലാജി ലോഡ്ജിന്റെ ഉടമയാണ് ഈ റാക്കറ്റിന്റെ മുഖ്യ സൂത്രധാരനെന്ന് പൊലീസ് സ്ഥിരീകരിച്ചു.
നിലവിൽ ഇയാൾ ഒളിവിലാണ്. എഎംപിസി പൊലീസ് സ്റ്റേഷൻ പരിധിയിലാണ് ഈ സംഭവം റിപ്പോർട്ട് ചെയ്തിരിക്കുന്നത്.
കഴിഞ്ഞ വർഷവും ഇതേ പൊലീസ് സ്റ്റേഷൻ പരിധിയിലെ മറ്റൊരു ലോഡ്ജിൽ സമാനമായ രീതിയിൽ പെൺവാണിഭ സംഘത്തെ പിടികൂടിയിരുന്നു. ആ സംഭവത്തിലും ഒഡനാടി സേവ സൻസ്തയുടെ ഇടപെടൽ നിർണായകമായിരുന്നുവെന്ന് പൊലീസ് അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
