ഇന്നത്തെ സാമൂഹിക വ്യവസ്ഥിതിയിൽ എല്ലാ ജനവിഭാഗങ്ങളെയും ഉൾക്കൊള്ളുന്നതും അവരുമായി നേരിട്ട് ബന്ധപ്പെടുന്നതുമായ സംഘടനകളുടെ പ്രവർത്തനം അനിവാര്യമാണെന്ന് ചലച്ചിത്ര താരം ആര്യ അഭിപ്രായപ്പെട്ടു. തൃപ്രയാറിൽ നടന്ന പീപ്പിൾസ് ഫൗണ്ടേഷൻ ലോഗോ പ്രകാശനം നിർവഹിച്ചുകൊണ്ട് സംസാരിക്കുകയായിരുന്നു അദ്ദേഹം.
സമൂഹത്തിൽ അസാധാരണമായ കഴിവുകളും പ്രതിഭയുമുള്ള പലരും അർഹമായ സമയത്ത് തിരിച്ചറിയപ്പെടാതെ പോകുന്ന അവസ്ഥയുണ്ട്. ഇത്തരം സന്ദർഭങ്ങളിൽ അർഹരായ വ്യക്തികളെ കണ്ടെത്തി അവർക്ക് കൃത്യമായ പിന്തുണയും അവസരങ്ങളും നൽകുന്ന കർമ്മപദ്ധതികൾ ആവിഷ്കരിക്കാൻ സാമൂഹിക കൂട്ടായ്മകൾക്ക് സാധിക്കണമെന്ന് അദ്ദേഹം വ്യക്തമാക്കി.
സമൂഹത്തിലെ വിവിധ തലങ്ങളിൽ ഒളിഞ്ഞിരിക്കുന്ന പ്രതിഭകളെ കണ്ടെത്താനും അവർക്ക് ആവശ്യമായ പ്രോത്സാഹനം നൽകാനും പീപ്പിൾസ് ഫൗണ്ടേഷൻ പോലെയുള്ള പ്രസ്ഥാനങ്ങൾ മുൻകൈ എടുക്കണമെന്നും അദ്ദേഹം കൂട്ടിച്ചേർത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
