തൃശൂര് ജില്ലയിലെ ചേലക്കര പൊലീസ് സ്റ്റേഷനില് ഡ്യൂട്ടിയിലുണ്ടായിരുന്ന മൂന്ന് ഉദ്യോഗസ്ഥര് മദ്യപിച്ചതിനെത്തുടര്ന്ന് നടപടി നേരിടുന്നു. ഗ്രേഡ് എസ്ഐ ജോളി സെബാസ്റ്റ്യന്, സിവില് പൊലീസ് ഓഫീസര്മാരായ അഖില്, സജിത്ത് എന്നിവരാണ് സ്റ്റേഷനുള്ളില് വെച്ച് മദ്യപിച്ചതിന് ഉന്നത ഉദ്യോഗസ്ഥരുടെ പരിശോധനയില് പിടിയിലായത്.
സംഭവത്തെക്കുറിച്ചുള്ള വിശദാംശങ്ങള് ഇങ്ങനെ:
തൃശൂര് സിറ്റി പൊലീസ് കമ്മീഷണര്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില് വടക്കാഞ്ചേരി എസ്എച്ച്ഒ മുരളിയുടെ നേതൃത്വത്തിലുള്ള പ്രത്യേക സംഘം സ്റ്റേഷനില് മിന്നല് പരിശോധന നടത്തുകയായിരുന്നു. ഈ പരിശോധനയിലാണ് ഡ്യൂട്ടി സമയത്ത് മദ്യപിച്ചുകൊണ്ടിരുന്ന നിലയില് ഉദ്യോഗസ്ഥരെ കണ്ടെത്തിയത്.
തുടര്ന്ന് ഇവരെ ഉടന് തന്നെ വൈദ്യപരിശോധനയ്ക്ക് വിധേയരാക്കി മദ്യപിച്ച വിവരം സ്ഥിരീകരിച്ചു. സംസ്ഥാന സര്ക്കാര് ലഹരി വിരുദ്ധ പ്രവര്ത്തനങ്ങള് ശക്തമാക്കുന്ന ‘ഓപ്പറേഷന് തൂഫാന്’ പുരോഗമിക്കുന്നതിനിടെയാണ് സേനയ്ക്ക് തന്നെ നാണക്കേടുണ്ടാക്കുന്ന സംഭവം അരങ്ങേറിയത്.
വിഷയത്തിന്റെ ഗൗരവം കണക്കിലെടുത്ത്, കുറ്റക്കാരായ മൂന്ന് ഉദ്യോഗസ്ഥര്ക്കെതിരെയും അച്ചടക്ക നടപടി സ്വീകരിക്കാന് തീരുമാനമായി. കുന്നംകുളം എസിപി മുഖേന സിറ്റി പൊലീസ് കമ്മീഷണര്ക്ക് ഇത് സംബന്ധിച്ച റിപ്പോര്ട്ട് സമര്പ്പിച്ചിട്ടുണ്ട്.
സംഭവത്തില് പ്രതികളായ ഉദ്യോഗസ്ഥരെ സര്വീസില് നിന്നും സസ്പെന്ഡ് ചെയ്യാനാണ് ശുപാര്ശ ചെയ്തിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
